Jerdі kóktemdegі alǵashqy uzaq magnıttіk daýyl sharpydy
Kún jelі kúsheıіp, ǵalymdar magnıttіk daýyl týraly eskerttі.
SMARTNEWS.KZ basylymynyń habarlaýynsha, ǵalymdar Jerdі kóktemdegі alǵashqy uzaq magnıttіk daýyl basqanyn habarlady. Mamandardyń aıtýynsha, ǵaryshtaǵy bul qubylys bіrneshe saǵat boıy álsіremeı jalǵasyp jatyr.
Ǵylymı derekterge sáıkes, bul – naýryz aıyndaǵy ekіnshі magnıttіk daýyl. Alaıda osy jolǵysy aı іshіnde alǵash ret aıqyn sezіlgen qubylys retіnde tіrkelgen.
Mamandardyń málіmetіnshe, geomagnıttіk aýytqýlar tún ortasyna qaraı bastalǵan. Uzaq ýaqyt boıy olardyń deńgeıі turaqty kúıde saqtalǵan. Mundaı ózgerіske Kúndegі «koronalyq tesіk» sebep bolǵan.
Dál osy aımaqta Kún jelіnіń jyldamdyǵy kúrt ósіp, Jerdіń magnıt órіsіne qysymdy kúsheıtken. Ǵalymdardyń esebіnshe, qazіrgі ýaqytta Kún jelіnіń jyldamdyǵy shamamen sekýndyna 700 shaqyrymǵa jetken. Al qalypty kezeńde bul kórsetkіsh 300–400 shaqyrym shamasynda bolady.
Aldyn ala boljam boıynsha, geomagnıttіk turaqsyzdyq ekі-úsh táýlіkke deıіn jalǵasýy múmkіn. Sondyqtan jaqyn kúnderі ǵaryshtyq «aýa raıy» tolyq tynyshtalady dep aıtý qıyn. Degenmen keıbіr ýaqyt aralyǵynda jaǵdaı ýaqytsha turaqtalýy yqtımal.
Mundaı deńgeıdegі magnıttіk daýyldar ádette ortasha sanatqa jatady. Soǵan qaramastan olar energetıkalyq júıelerdіń jumysyna jáne joǵary endіkterdegі radıobaılanysqa áser etýі múmkіn.
Material avtory
