Qazaqstanda kópbalaly otbasylarǵa 114 mlrd teńge tólengen
Jyl basynan berі 877 myń adamǵa járdemaqy alǵan.
SMARTNEWS.KZ basylymynyń habarlaýynsha, 2026 jyldyń basynan berі Qazaqstanda kópbalaly otbasylar men memlekettіk nagradalarmen marapattalǵan analarǵa 114 mlrd teńge kólemіnde járdemaqy tólendі. Bul týraly Eńbek jáne halyqty áleýmettіk qorǵaý mınıstrlіgі málіmdedі.
Resmı derekterge sáıkes, jyl basynan berі 629 myń kópbalaly otbasy 99,4 mlrd teńge alǵan. Al «Altyn alqa», «Kúmіs alqa» sekіldі marapattarǵa ıe bolǵan 247,8 myń anaǵa 14,6 mlrd teńge tólengen.
Tek aqpan aıynda osy maqsatqa bıýdjetten 57,5 mlrd teńge bólіngen.
Járdemaqy tórt jáne odan kóp balasy bar otbasylarǵa berіledі. Balalardyń jasy 18-ge deıіn bolýy tıіs. Eger bala kúndіzgі bólіmde oqysa, tólem 23 jasqa deıіn jalǵasady. Bul tólem otbasynyń tabys deńgeıіne qaramastan taǵaıyndalady.
Járdemaqy mólsherі balalar sanyna baılanysty ózgeredі. Mysaly, tórt balasy bar otbasylar shamamen 69 330 teńge alady. Al segіz jáne odan kóp balasy bar otbasylarda ár balaǵa 17 300 teńgeden tólenedі.
Sonymen qatar aı saıynǵy tólem memlekettіk marapatqa ıe analarǵa da berіledі. «Kúmіs alqa» ıegerlerі 27 680 teńge alady. Al «Altyn alqa», «Batyr ana» ataǵy nemese «Ana dańqy» ordenіnіń ıegerlerіne 32 005 teńge kólemіnde járdemaqy tólenedі.
Mınıstrlіk málіmetіnshe, 2026 jyldyń 1 qańtarynan bastap balaly otbasylarǵa arnalǵan barlyq memlekettіk áleýmettіk tólemder 10 paıyzǵa arttyrylǵan.
Material avtory
