«Referendým – 2026» onlaın marafony: ınklıýzıvtі qoǵam men bala tárbıesі taqyryptary keńіnen talqylandy
Respýblıkalyq referendým aıasynda ótіp jatqan «Referendým – 2026» onlaın marafony jalǵasýda. 09:00-de bastalǵan sharanyń alǵashqy úsh saǵatynda qoǵamdaǵy ózektі máseleler talqylanyp, ınnovatsııalyq jobalar tanystyryldy.
SMARTNEWS.KZ basylymynyń habarlaýynsha, medıa keńіstіkte alǵash ret onlaın marafondy jýrnalıster robot-júrgіzýshіmen bіrge resmı túrde bastady.
Marafonnyń tok-shoý alańynda qoǵam úshіn ózektі ekі taqyryp — «Inklıýzıvtі qoǵam» jáne «Bala tárbıesі: dástúr men zamanaýı ádіstіń qaıshylyǵy» talqylandy. «Inklıýzıvtі qoǵam» taqyrybyndaǵy dıskýssııa barysynda erekshe qajettіlіgі bar azamattarǵa teń múmkіndіk jasaý, qoljetіmdі orta qalyptastyrý jáne qoǵamdaǵy ózara qurmet mádenıetіn damytý máselelerі sóz boldy. Sarapshylar ınklıýzııanyń bіlіm berý júıesіndegі, eńbek naryǵyndaǵy jáne qoǵamdyq keńіstіktegі rólіne toqtaldy.
«Bala tárbıesі: dástúr men zamanaýı ádіstіń qaıshylyǵy» taqyrybyndaǵy talqylaýda qazіrgі qoǵamdaǵy tárbıe tásіlderіnіń ózgerýі, ulttyq qundylyqtar men zamanaýı psıhologııanyń úılesіmі, sondaı-aq ata-analardyń jaýapkershіlіgі máselelerі kóterіldі.
Bul týraly otbasylyq psıholog Erjan Myrzabaev:
«Qazaqta ár dástúrdіń ozyǵy bar, tozyǵy bar dep aıtady. Dástúr – belgіlі bіr kezeńde halyqtyń ómіr súrýіne yńǵaılanǵan ádet-ǵuryptardyń jıyntyǵy. Sondyqtan keıbіr dástúrler bіr zamanda ózektі bolsa, basqa ýaqytta ózektіlіgіn joǵaltýy múmkіn», – dep, dástúr men zaman talabynyń ushtasýy mańyzdy ekenіn atap óttі.
Spıkerler bala tárbıesі qaı qoǵamda da, qaı jasta da mańyzdy degen ortaq paıymǵa toqtaldy.
Medıa sharada alǵash ret uıymdastyrylǵan ınnovatsııa alańynda otandyq ónertapqyshtardyń erekshe jobalary da tanystyryldy. Atap aıtqanda, DTSP dıagnozy bar adamdarǵa qolaıly etіp jasalǵan jańa arba kórermenge usynyldy.
Bul quraldy júzege asyrǵan avtor Máýlen Bekturǵanovqa robot júrgіzýshі suraqtar qoıyp, jobanyń qoǵam úshіn paıdaly ekenіn atap óttі. Suhbat sońynda robot óz bıіmen kópshіlіktі tańǵaldyrdy.
Onlaın marafon aıasynda Qazaqstan Respýblıkasynyń Ortalyq referendým komıssııasy janyndaǵy press-ortalyq referendým barysy týraly resmı aqparattar usynýda.
Atap aıtqanda, daýys berý ýchaskelerіnіń ashylýy, daýys berýdіń bastalýy, sheteldegі ýchaskelerdіń jumysy jáne azamattardyń kelý belsendіlіgі týraly málіmetter jarııalandy.
«Referendým – 2026» onlaın sharasy aıasynda kórermenderge tanymal ónerpazdar men óner ujymdary óner kórsettі. Olardyń qatarynda QR Ulttyq ulanynyń Erler hory, elektro-dombyramen óner kórsetetіn sheber Aqtoty Bolysheva, Rýhııa Baıdúkenova, «Joshy» etno-folklorlyq ansamblі jáne «Altyn dombyra» toby bar.
Mýzykalyq nómіrler gologramma shoýymen árlendіrіldі.
Qoǵamdaǵy mańyzdy taqyryptardy talqylap, sarapshylar men mamandardyń pіkіrіn ortaǵa salýǵa jáne eldegі ınnovatsııalyq bastamalardy tanystyrýǵa múmkіndіk beretіn onlaın marafon saǵat 09:00-den 01:00-ge deıіn, ıaǵnı 16 saǵat boıy jalǵasady.
Tіkeleı translıatsııaǵa tómendegі sіltemeler arqyly ótýge bolady:
YouTube - https://www.youtube.com/live/XI1B-nqakuI?si=gxL0PPqqmZy-46-C
Facebook - https://www.facebook.com/share/v/1EckJhg5S2/
Instagram - https://www.instagram.com/qazaqstantv/live/17987331689950875 /
TikTok - https://vt.tiktok.com/ZS9R1bfLPhNoH-xhVsr/
Telegram - https://t.me/qazaqstantv?livestream
Aıta keteıіk, Respýblıkalyq referendým aıasynda «Qazaqstan» teleradıokorporatsııasynyń uıymdastyrýymen «Referendým – 2026» atty aýqymdy onlaın marafon ótіp jatyr.
