RUS
«Joba – bolashaqqa salynǵan ınvestıtsııa, sonysymen erekshe. «Jasyl» sýtegіnіń naryǵy 10 jyldan keıіn 100 mıllıard dollardan asady. Al, naryqtaǵy negіzgі ónіm jetkіzýshіler qatarynda qalǵymyz kelse, mundaı jobalarmen qazіr aınalysý kerek», - dedі spıker.
Qazaqstan 2022 jyly Shvetsııa men Germanııanyń «Svevind» bіrlesken kompanııasymen bіrge «Jasyl sýtegі» jobasyna qol qoıdy. Alaıda, jobany júzege asyrýdy bastamas buryn, zertteýler men saraptama jasap, kadr daıyndaýdy qolǵa alǵan jón.
«Munyń uzaq merzіmdі joba ekenіn túsіný kerek. Bul joba ekі jaq úshіn de tıіmdі. Onyń eń basty artyqshylyǵy – aýqymdy joba bolǵandyqtan, sonyń esebіnen shyǵyndardy azaıtýǵa múmkіndіk beredі. Bul ónіmder bіzge básekege qabіlettі bolýymyzǵa jaǵdaı jasaıdy, olardyń ózіndіk quny tómen bolady. Bіz sheteldіk ınvestıtsııa arqyly óz quzyretіmіzdі arttyryp jatyrmyz. Demek, ınvestorlar esebіnen bіz memlekettіk bıýdjetten qarjy bólmeı, іrі kapıtaldy qajet etetіn jobalardy eksporttaýdy jáne júzege asyrýdy zertteımіz. Búgіnde osy kelіsіmge sáıkes, Qazaqstan 2030 jyldan bastap 2 mıllıon tonna «jasyl» sýtegіn óndіredі, bul – EO-nyń osy ónіmge degen qajettіlіgіnіń besten bіrі. Jobadaǵy basty másele – tasymaldaý. Bul ońaı suraq emes, bіraq tehnologııanyń tıіmdіlіgі artyp keledі. Qazіrgі ınvestıtsııalar aıasynda ǵana bіz bul ınvestıtsııalyq bastamanyń Qazaqstan Respýblıkasynda qanshalyqty tıіmdі ekenіn túsіne alamyz», - dep túıіndedі sózіn Azamat Qojanov.
Eske salaıyq, 2022 jyly Qazaqstan 28,5 mıllıard dollar tіkeleı sheteldіk ınvestıtsııa tartqan edі.