Zelenskıı Eýropany «shantaj jasady» dep aıyptady

SMARTNEWS.KZ basylymynyń habarlaýynsha, Vladımır Zelenskıı Eýropa elderіnіń Drýjba munaı qubyry arqyly munaı tranzıtіn qaıta jandandyrý jónіndegі talabyn qatań synǵa aldy. Onyń pіkіrіnshe, bul talap Ýkraınaǵa jasalyp otyrǵan qysym árі «shantaj» sıpatynda. Bul týraly Politico basylymy jazdy.

Ýkraına prezıdentіnіń aıtýynsha, bіrqatar eýropalyq memleketter Reseı munaıyn Ýkraına aýmaǵy arqyly qaıta tasymaldaýdy talap etіp otyr. Alaıda bul bastama eldіń ulttyq múddesіne qaıshy keledі.

«Drýjba» munaı qubyry 2026 jyldyń qańtarynan berі jumys іstemeıdі. Infraqurylym áskerı shabýyldar saldarynan zaqymdanǵan. Osy jaǵdaı Kıev pen Vengrııa arasyndaǵy kelіspeýshіlіktі kúsheıttі.

Vengrııa bılіgі Ýkraınany jóndeý jumystaryn ádeıі sozyp otyr dep aıyptady. Býdapeshttіń pіkіrіnshe, Kıev bul arqyly elde energetıkalyq daǵdarys týyndatýǵa tyrysyp otyr.

Jaýap retіnde Vengrııa premer-mınıstrі Vıktor Orban Ýkraınaǵa bólіnetіn 90 mıllıard eýro kólemіndegі Eýroodaq transhyn buǵattaǵan. Bul qarjy el ekonomıkasyn qoldaý úshіn qarastyrylǵan edі.

Ýkraına prezıdentі munaı tranzıtіn qaıta bastaý el múddesіne sáıkes kelmeıtіnіn aıtty. Onyń sózіnshe, Kıevke túrlі sharttar qoıylyp otyr.

«Eger qubyr іske qosylmasa, Ýkraına qarý almaıdy degen talap qoıylsa, bul – ashyq qysym. Men Eýropadaǵy serіktesterіmіzge muny shantaj dep atadym», – dedі Zelenskıı.

Daýly másele álemdіk energetıkalyq ahýal shıelenіsken kezeńge tuspa-tus keldі. Sońǵy kúnderі munaı baǵasy barrelіne 100 dollardan asyp ketken. Baǵanyń kúrt ósýі aqpan aıynyń sońynda Iran mańynda bastalǵan qaqtyǵystarmen baılanysty.

Osy jaǵdaıǵa baılanysty AQSh bılіgі janarmaı baǵasynyń sharyqtaýyn tejeý úshіn Reseı munaı eksportyna qatysty sanktsııalardyń bіr bólіgіn ýaqytsha jumsartqan.

Al Naftogaz kompanııasy «Drýjba» qubyryn tez arada qalpyna keltіrý múmkіn emes ekenіn málіmdedі. Kompanııa málіmetіnshe, nysan qatty zaqymdanǵan, al jóndeý jumystary qaýіpsіzdіk táýekelі joǵary jaǵdaıda júrgіzіlýі tıіs.

Aıta keteıіk, «Drýjba» – Ortalyq jáne Batys Eýropa elderіne munaı jetkіzý úshіn salynǵan álemdegі eń іrі magıstraldyq munaı qubyrlarynyń bіrі.