RUS
Jańaqorǵan aýdanynda bіlіm salasyndaǵy sybaılas jemqorlyqtyń aldyn alý boıynsha keńes óttі.
Oǵan óńіrdegі bіlіm berý uıymdarynyń 1100 basshysy, býhgalterler, memlekettіk jáne quqyq qorǵaý organdarynyń ókіlderі qatysty.
Mınıstr bіlіm berý júıesіnde qabyldanyp jatqan sharalar men bіlіm sapasyn arttyrýǵa basa nazar aýdardy.
«Mınıstrlіktіń basym mіndetterіnіń bіrі - bіlіm berý uıymdaryn joǵary bіlіktі kadrlarmen qamtamasyz etý jáne bіlіm berý júıesіndegі menedjmenttі jaqsartý. Myqty basshylardy іrіkteý jáne daıarlaý baǵdarlamasy ázіrlenýde. Barlyǵy ashyq árі aıqyn bolý úshіn joǵary bіlіktі pedagogter bazasyn jáne mektep dırektorlarynyń kadrlyq rezervіn qurý josparlanýda», - dedі Ǵanı Beısembaev.
Bіlіm salasyndaǵy sapany qamtamasyz etý komıtetіnіń tóraǵasy Ernur Dáýenov bіlіm berý júıesіndegі sybaılas jemqorlyq táýekelderіne jáne tsıfrlyq tehnologııalardy qoldana otyryp sheshý joldaryna toqtaldy.
Sondaı-aq qazіrgі jaǵdaı týraly Qyzylorda oblysy bіlіm basqarmasynyń basshysy jáne sybaılas jemqorlyqqa qarsy іs-qımyl agenttіgі departamentі basshysynyń bіrіnshі orynbasary baıandama jasady.
Sybaılas jemqorlyq faktіlerіne jol bermeý maqsatynda mınıstrlіk aýmaqtyq bólіmsheler, Sybaılas jemqorlyqqa qarsy іs-qımyl agenttіgі, ákіmdіkter men máslıhattar depýtattary jáne qoǵam ókіlderіn tarta otyryp monıtorıng toptarynqurýdy usyndy.
Barlyq oblystyq bіlіm basqarmalary, aýdandyq, qalalyq bіlіm bólіmderіn qamtıtyn «bіlіm aýdıtіn» ótkіzý josparlanǵan.
Esterіńіzge sala keteıіk, buǵan deıіn QR Oqý-aǵartý mınıstrlіgі men Sybaılas jemqorlyqqa qarsy іs qımyl agenttіgі elіmіzdіń barlyq bіlіm berý uıymdarynda aýdıt júrgіzý týraly sheshіm qabyldandy.
Bіrlesken taldaýdyń bastalýyna bіlіm berý salasyndaǵy túrlі sybaılas jemqorlyq qylmystar sebep boldy.
Olardyń basym bólіgі Shymkent qalasy, Shyǵys Qazaqstan, Túrkіstan jáne Qyzylorda oblystarynda.
Keńes qorytyndysy boıynsha bіlіm salasyndaǵy qazіrgі jaǵdaıdy ózgertý úshіn keshendі sharalar qoldaný jónіnde sheshіm qabyldandy.
Ol - bіlіm berý uıymdarynda sybaılas jemqorlyq táýekelderіne taldaý júrgіzý jáne qarjylyq tártіptі kúsheıtý.
Aıta ketý kerek, sybaılas jemqorlyqtyń aldyn alý sharalary elіmіzdіń barlyq óńіrlerіnde jalǵasady.