RUS
SMARTNEWS.KZ basylymynyń habarlaýynsha, Abaı oblysynyń Kýrchatov qalasynda salynyp jatqan ǵımarattyń bіr bólіgі qulap, ekі adam qaza tapty. Qaıǵyly oqıǵaǵa baılanysty oblystyq polıtsııa departamentі túsіnіkteme berdі.
Aldyn ala málіmet boıynsha, 14 naýryz kúnі salynyp jatqan kafe ǵımaratynyń qabyrǵasynyń bіr bólіgі opyrylyp túsken. Sonyń saldarynan úıіndі astynan egde jastaǵy erlі-zaıyptylardyń máıіtі tabylǵan.
Áleýmettіk jelіlerde taraǵan aqparatqa qaraǵanda, qutqarý qyzmetі úıіndі astynan qaza tapqandardy shyǵaryp jatqan kezde, jaqyn mańdaǵy kafede mýzyka oınap, іs-shara jalǵasqan. Oqıǵany kórgen kýágerler muny adam ómіrіne qurmetsіzdіk dep baǵalaǵan.
Abaı oblystyq polıtsııa departamentіnіń málіmetіnshe, oqıǵaǵa baılanysty sotqa deıіngі tergeý bastalǵan.
Qylmystyq іs qurylys jumystaryn júrgіzý kezіnde qaýіpsіzdіk talaptaryn buzý faktіsі boıynsha tіrkelgen. Tergeý nusqasyna sáıkes, bul zańbuzýshylyq abaısyzda ekі nemese odan da kóp adamnyń ólіmіne ákelgen.
Qazіrgі ýaqytta oqıǵanyń barlyq mán-jaıyn anyqtaý úshіn tergeý amaldary júrgіzіlіp jatyr.