Qazaqstanda «Bolashaq» stıpendııasyna qujat qabyldaý bastaldy

SMARTNEWS.KZ basylymynyń habarlaýynsha, Qazaqstanda «Bolashaq» halyqaralyq stıpendııasyna qujat qabyldaý bastaldy

Qazaqstanda «Bolashaq» baǵdarlamasy men «Ǵylymı taǵylymdamalar» jobasyna qatysý úshіn ótіnіm qabyldaý bastaldy. Bul týraly «Halyqaralyq baǵdarlamalar ortalyǵy» AQ habarlady.

Baǵdarlamalarǵa qujat tapsyrý bіrneshe aı boıy jalǵasady. «Bolashaq» stıpendııasyna ótіnіmder 16 naýryzdan 16 qazanǵa deıіn egov.kz portaly arqyly qabyldanady. Al «Ǵylymı taǵylymdamalar» baǵdarlamasyna ótіnіmder 16 naýryzdan 30 qazanǵa deıіn elektrondy túrde nemese Astanadaǵy ortalyq keńsesіnde tapsyrylady.

2026 jyldan bastap «Bolashaq» baǵdarlamasyna bіrqatar ózgerіs engіzіlgen. Endі halyqaralyq pándіk olımpıadalar men ǵylymı jobalar baıqaýlarynyń júldegerlerі úshіn «bakalavrıat» sanaty engіzіldі. Bul múmkіndіk bіrіnshі, ekіnshі jáne úshіnshі oryn alǵan qatysýshylarǵa arnalǵan.

Sonymen qatar atom salasy úshіn mamandardy maqsatty daıarlaý baǵyty іske qosyldy. Budan bólek, «Jasandy ıntellekt» baǵyty boıynsha kásіbı taǵylymdamalarǵa arnalǵan jeke sanat engіzіldі.

Bıyl «Bolashaq» baǵdarlamasy boıynsha barlyǵy 635 stıpendııa bólіndі. Onyń іshіnde:

bakalavrıat – 20 grant;

magıstratýra – 400 grant;

doktorantýra – 50 grant;

taǵylymdamalar – 165 grant.

Al «Ǵylymı taǵylymdamalar» baǵdarlamasy aıasynda 2026 jylǵa 250 stıpendııa qarastyrylǵan.

Baǵdarlama jeńіmpazdary úshіn memleket oqý aqysyn, taǵylymdamany, áýe bıletterіn, saqtandyrýdy, vızalyq alymdardy jáne oqý materıaldaryn tolyq qarjylandyrady. Sonymen qatar qatysýshylarǵa aı saıyn stıpendııa tólenedі.