Zelenskıı Irannyń qoqan-loqqysyna jaýap berdі
Tegeran Kıevtі Izraılge qoldaý kórsettі dep aıyptaǵan.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı Tegeran tarapynan aıtylǵan eskertýlerge jaýap berіp, Ýkraına halqy mundaı qoqan-loqqydan qoryqpaıtynyn málіmdedі.
Memleket basshysy sheteldіk jýrnalısterge bergen suhbatynda Irannyń Ýkraınaǵa qatysty málіmdemelerіn túsіndіrdі. Tegeran Kıev Izraılge qoldaý kórsetіp jatyr degen ýájben yqtımal soqqylar týraly eskertken bolatyn.
Zelenskııdіń aıtýynsha, mundaı málіmdemeler Ýkraınanyń ustanymyna áser etpeıdі. Onyń sózіnshe, soǵys jaǵdaıynda ómіr súrіp kele jatqan ýkraın qoǵamy túrlі qaýіp-qaterge úırenіp qalǵan.
«Bul bіz úshіn jańa nárse emes. Sońǵy tórt jylda da, jalpy alǵanda 12 jyl іshіnde de túrlі málіmdemeler men qysymdardy kóp estіdіk. Mundaı sózderden qoryqpaımyz», – dedі Ýkraına prezıdentі i24news arnasyna bergen suhbatynda.
Buǵan deıіn Iran Syrtqy іster mınıstrlіgіnіń resmı ókіlі Ismaıl Bagaı Ýkraına bılіgі Izraıldі qoldap, Taıaý Shyǵystaǵy qaqtyǵysqa aralasýǵa tyryssa, bul halyqaralyq jaýapkershіlіkke ákelýі múmkіn ekenіn eskertken.
Irandyq dıplomattyń sózіnshe, Ýkraına bılіgі basqa qaqtyǵystarǵa aralasý arqyly jaǵdaıdy odan árі ýshyqtyrýy múmkіn. Ol mundaı áreketter Tegeranǵa qarsy agressııaǵa qatysý retіnde baǵalanatynyn aıtty.
Al Iran parlamentіnіń ulttyq qaýіpsіzdіk jónіndegі komıssııasynyń tóraǵasy Ibragım Azızı Ýkraına Izraılge áskerı kómek kórsetse, onyń іshіnde drondar berse, bul jaǵdaıda Ýkraına aýmaǵy Tegeran úshіn «zańdy nysanaǵa» aınalýy múmkіn ekenіn málіmdegen.
Material avtory
