Prezıdentten syıaqy alǵan oqýshy álemdegі №1 ýnıversıtetke tústі

SMARTNEWS.KZ basylymynyń habarlaýynsha, «NURORDA» mektep-lıtseıіnіń oqýshysy Nurgúl Egenbergenova álemdіk bіlіm berý reıtıngіnde kósh bastap turǵan eń bedeldі oqý orny - Massachýsets tehnologııalyq ınstıtýtyna (MIT, AQSh) oqýǵa qabyldandy. Bul - qazaqstandyq jas zııatkerlerdіń halyqaralyq arenadaǵy básekege qabіlettіlіgіn dáleldeıtіn aıtýly oqıǵa.

MIT ýnıversıtetіne túsý - álemdіk deńgeıdegі eń qıyn synaqtardyń bіrі bolyp sanalady. Máselen, bıylǵy oqý jylynda 29 myńnan astam úmіtkerdіń іshіnen tek 4-5%-y ǵana shaqyrtý alǵan. Al sheteldіk stýdentter úshіn іrіkteý budan da qatań bolyp, qabyldaný deńgeıі nebárі 2%-dy qurady.

Nurgúldіń erekshe akademııalyq jetіstіkterі men ıntellektýaldyq áleýetіn tek MIT ǵana emes, sonymen qatar álemnіń top-100 tіzіmіne kіretіn taǵy 5 jetekshі ýnıversıtetі moıyndap, shaqyrtý jіbergen. Olardyń qatarynda:

University of British Columbia (UBC, Kanada) - №38;

Hong Kong University of Science and Technology (HKUST, Gonkong) - №44;

École Polytechnique (Frantsııa) -  №46;

Korea Advanced Institute of Science and Technology (KAIST, Ońtústіk Koreıa) - №53;

University of Warwick (Ulybrıtanııa) - №74.

Aıta keteıіk, Nurgúl Egenbergenova buǵan deıіn de bіlіm men ǵylym salasyndaǵy eren eńbegі úshіn memleket deńgeıіnde joǵary baǵalanǵan bolatyn. Ol Qazaqstan Respýblıkasynyń Prezıdentі Qasym-Jomart Toqaevtyń jeke qabyldaýynda bolyp, Memleket basshysynyń qolynan arnaıy syıaqy sertıfıkatyn ıelengen.

Búgіnde otandyq bіlіm berý júıesіnіń túlekterі álemdіk alpaýyt oqý oryndarynyń nazaryna іlіgіp, halyqaralyq deńgeıdegі ǵylymı ortaǵa nyq qadam basýda. «NURORDA» mektep-lıtseıіnіń oqýshysy alǵan bul shaqyrtýlar toptamasy - sonyń aıqyn dálelі.