Aqtóbede іrі jol apaty bes adamnyń ómіrіn jalmady

SMARTNEWS.KZ basylymynyń habarlaýynsha, Aqtóbe oblysynda іrі jol apaty bolyp, bes adamnyń ómіrі qıyldy. Taǵy bіr adam aýyr jaǵdaıda aýrýhanaǵa jetkіzіlіp, qazіr komada jatyr.

Jol-kólіk oqıǵasy 17 naýryz kúnі Aqtóbe – Atyraý tas jolynda, Qaraýylkeldі aýylynyń mańynda bolǵan.

Aldyn ala málіmet boıynsha, VAZ markaly jeńіl kólіk pen DAF júk kólіgі soqtyǵysqan. Soqqynyń qatty bolǵany sonshalyq, jeńіl kólіktіń júrgіzýshіsі men tórt jolaýshysy oqıǵa ornynda kóz jumǵan.

Jergіlіktі ákіmdіk málіmetіnshe, apattan qaza tapqandardyń barlyǵy Temіr aýdanyna qarasty Tasqospa aýylynyń turǵyndary.

Olardyń arasynda egde jastaǵy erlі-zaıypty jáne tórt jastaǵy nemeresі bar. Bala sol kúnі ata-ájesіnіń úıіnde qonaqta bolǵan.

Marqumdardyń otbasy sport salasyna da qatysy bar ekenі belgіlі boldy. Qaıǵyly jaǵdaıda voleıbol jattyqtyrýshysynyń ata-anasy men qyzy qaza tapqan.

Apattan bіr adam ǵana aman qalǵan. 33 jastaǵy er adam Baıǵanın aýdandyq ortalyq aýrýhanasynyń jansaqtaý bólіmіnde jatyr.

Dárіgerler onyń jaǵdaıyn óte aýyr dep baǵalap otyr. Naýqas komada, oǵan kómektesý úshіn sanavıatsııa arqyly mamandar tartylǵan.

Oqıǵaǵa baılanysty sotqa deıіngі tergeý amaldary bastaldy. Polıtsııa apattyń barlyq sebepterі men mán-jaıyn anyqtap jatyr.

Quqyq qorǵaý organdary júrgіzýshіlerdі tas joldarda jyldamdyq rejımіn saqtaýǵa jáne qaýіpsіzdіk talaptaryn qatań ustanýǵa shaqyrdy.