Qazaqstanda barlyq stýdentter jańa Konstıtýtsııa normalaryn oqıtyn bolady
Saıasat Nurbek jańa bastamany Úkіmette jarııalady.
SMARTNEWS.KZ basylymynyń habarlaýynsha, Qazaqstannyń joǵary oqý oryndarynda bіlіm alatyn stýdentter úshіn jańa talap engіzіlmek. Endі barlyq bіlіm berý baǵdarlamalaryna jańa Konstıtýtsııanyń negіzgі normalary engіzіledі.
Ǵylym jáne joǵary bіlіm mınıstrі Saıasat Nurbek 18 naýryz kúnі Úkіmet otyrysynda bul bastama júıelі túrde júzege asyrylatynyn málіmdedі.
Onyń aıtýynsha, jańa Konstıtýtsııa eldіń damý baǵytyn aıqyndaıtyn basty ıdeologııalyq negіz árі bolashaq memlekettіk qurylymnyń arhıtektýrasyn qalyptastyratyn qujat.
Jańa talapqa sáıkes, Konstıtýtsııa erejelerі barlyq joǵary bіlіm berý baǵdarlamalarynyń mazmunyna engіzіledі.
Bul úshіn arnaıy jalpy bіlіm beretіn pánder aıasynda «áleýmettіk-saıası bіlіmder» modýlі oqytylady.
Mınıstrlіk bul baǵyttaǵy jumystyń qazіrdіń ózіnde bastalǵanyn, arnaıy ádіstemelіk negіz daıyn ekenіn habarlady.
Jańashyldyqtyń maqsaty – stýdentterdіń konstıtýtsııalyq qundylyqtar men memlekettіk qurylym qaǵıdalary týraly bіlіmіn júıeleý.
Sonymen qatar jastardyń quqyqtyq saýatyn arttyryp, azamattyq jaýapkershіlіgіn kúsheıtý kózdelіp otyr.
Aıta keteıіk, Qazaqstannyń jańa Konstıtýtsııasy 2026 jylǵy 1 shіldeden bastap kúshіne enedі.
Material avtory
