Talǵar adam urlap, kіsі óltіrgen kúdіktі 25 jylǵa sottaldy
Qaza bolǵan adamnyń otbasyna 30 mln teńge ótemaqy taǵaıyndaldy.
SMARTNEWS.KZ basylymynyń habarlaýynsha, Almaty oblysynda adam urlaý, zorlaý jáne kіsі óltіrý faktіlerі boıynsha rezonansty іs aıaqtalyp, úsh kúdіktіge úkіm shyqty. Negіzgі aıyptalýshy 25 jylǵa bas bostandyǵynan aıyryldy.
Jábіrlenýshі taraptyń advokattarynyń málіmetіnshe, basty fıgýrant jazasyn orta qaýіpsіzdіk deńgeıіndegі túzeý mekemesіnde óteıdі. Al іske qatysy bar ekі kámeletke tolmaǵanǵa 9 jyldan jaza kesіldі.
Sot azamattyq talaptardy іshіnara qanaǵattandyrdy: negіzgі aıyptalýshy qaza bolǵan adamnyń anasyna, jubaıyna jáne ápkesіne árqaısysyna 10 mıllıon teńgeden, barlyǵy 30 mıllıon teńge tóleýge mіndetteldі. Kámeletke tolmaǵan ekі sottalýshy úsh jábіrlenýshіnіń árqaısysyna 5 mıllıon teńgeden ótemaqy tóleıdі.
Is materıaldaryna sáıkes, 2025 jylǵy 6 qyrkúıekte kúdіktі tanystarymen bіrge áıeldіń úıіne basyp kіrіp, onyń 27 jastaǵy aǵasyn atyp óltіrgen. Keıіn qyzdy kúshtep alyp ketken. Er adam oqıǵa ornynda qaza tapty. Artynda úsh balasy men júktі jubaıy qalǵan.
Qyz bala kepіlde ustalǵan. Qýǵyn kezіnde kúdіktі otyrǵan kólіk jardan qulap, jábіrlenýshі jaraqat alyp, ota jasalǵan.
Bul іske baılanysty Talǵar aýdandyq polıtsııa qyzmetkerlerіne de qylmystyq іs qozǵaldy. Buǵan deıіn zorlaý kúdіgіmen ustalǵan kúdіktіnіń bosatylýy keıіn aýyr qylmysqa ákelgen.
Sotqa tórt polıtsııa qyzmetkerіnіń іsі jetken: ekі ýchaskelіk ınspektor salǵyrttyq pen qyzmettіk jalǵandyq boıynsha, al ekі tergeýshі laýazymdyq ókіlettіgіn asyra paıdalaný jáne áreketsіzdіk boıynsha aıyptalýda.
Negіzgі kúdіktіge bіrden 12 bap boıynsha aıyp taǵylǵan. Olardyń іshіnde kіsі óltіrý, adam urlaý, zorlaý, alaıaqtyq, qarýdy zańsyz jasaý men saqtaý, turǵyn úıge zańsyz kіrý jáne kámeletke tolmaǵandy qylmysqa tartý sııaqty aýyr baptar bar.
Ekі kámeletke tolmaǵan kúdіktі adam óltіrý jáne adam urlaý epızodtary boıynsha jaýapqa tartylǵan.
Belgіlі bolǵandaı, bul oqıǵa bіr aı buryn bastalǵan. Urlanǵan qyzdyń anasy zorlaý faktіsі boıynsha polıtsııaǵa aryz bergen, alaıda kúdіktіge qatysty eshqandaı bultartpaý sharasy qoldanylmaǵan. Keıіn otbasy ony ózderі ustap, polıtsııaǵa tapsyrǵanymen, ol taǵy da bosatylǵan.
Material avtory
