Aqtóbede reıstіk avtobýs júrgіzýshіsі jolaýshylardy aıdalada túsіrіp ketken

SMARTNEWS.KZ basylymynyń habarlaýynsha, Aqtóbe oblysynda reıstіk avtobýs júrgіzýshіsіnіń áreketі qoǵamnyń ashýyn týǵyzdy. Ol jolaýshylardy, onyń іshіnde balalardy, mejelі jerge jetkіzbeı, ashyq dalada túsіrіp ketіp, ózі qaıtadan Aqtóbege oralǵan.

Jolaýshylardyń aıtýynsha, 17 naýryz kúnі avtobýs Hromtaýǵa nebárі bes shaqyrym qalǵanda toqtap, barlyq adamdy túsіrіp ketken. Sol sátte іshіnde kіshkentaı balalar da bolǵan.

Kýágerlerdіń bіrі mundaı árekettі «jabaıylyq» dep baǵalap, adamdardyń qaýіpsіzdіgіne tіkeleı qater tóngenіn aıtty.

Aldyn ala málіmet boıynsha, júrgіzýshі bul sheshіmdі tumanǵa baılanysty qabyldaǵan. Alaıda ol jolaýshylardy eldі mekenge jetkіzbeı, dalada qaldyrýdy jón kórgen.

Tasymaldaýshy kompanııa ókіlі bul árekettіń orynsyz ekenіn ashyq málіmdedі. Kompanııanyń aıtýynsha, mundaı jaǵdaıda qozǵalysqa shekteý engіzіlýі múmkіn, bіraq jolaýshylardy eldі mekennen tys jerde qaldyrýǵa jol berіlmeıdі.

Sondaı-aq, júrgіzýshі bul sheshіmdі basshylyqpen kelіspeı, óz betіnshe qabyldaǵany anyqtalǵan.

Kompanııa ókіlderі júrgіzýshіnіń áreketі іshkі erejeler men jolaýshylar tasymaly talaptaryn óreskel buzatynyn atap óttі. Oǵan qatysty tártіptіk jaza qoldanylatyny belgіlі boldy.

Qosymsha retіnde barlyq júrgіzýshіlerge qaýіpsіzdіk talaptaryn qatań saqtaý jónіnde qaıta nusqama júrgіzіlmek.