Mınıstrlіk ekі ret bas tartty: Taılandta komadan shyqqan Qazaqstan azamaty elge qaıta almaı otyr

SMARTNEWS.KZ basylymynyń habarlaýynsha, Taılandta aýyr hálge túsken qazaqstandyq týrıst Alekseı Vıvtonenko komadan shyǵyp, alǵash ret ún qatty. Alaıda onyń emі álі aıaqtalǵan joq, al týǵandary ony Qazaqstanǵa jetkіzý máselesіnde memlekettіk qoldaýǵa qol jetkіze almaı otyr.

36 jastaǵy azamat demalys kezіnde kenetten syrqattanyp, jedel pankreatıt saldarynan aýyr asqynýǵa ushyraǵan. Dárіgerler onyń jaǵdaıy nasharlaǵan soń jasandy komaǵa engіzgen.

Ekі apta boıy es-tússіz jatqan naýqas endі ózdіgіnen sóılep, jaǵdaıyn qysqa sıpattady: ol tynys alyp, bárіn túsіnetіnіn aıtty.

Reanımatsııadaǵy bіr táýlіktіń quny nebárі bіr mıllıon teńgege jýyq bolǵan. Osy kezde qazaqstandyqtar qol ushyn sozyp, otbasyǵa qarjylaı jáne moraldyq qoldaý kórsetken.

Qazіr naýqastyń jaǵdaıy turaqtalǵanymen, em jalǵasyp jatyr. Uzaq ýaqyt qozǵalyssyz jatqandyqtan, denesіnde jaralar paıda bolyp, oǵan ota jasalǵan. Keıіn ókpesіnen tromb anyqtalyp, qosymsha em taǵaıyndalǵan.

Dárіgerlerdіń aıtýynsha, naýqastyń fızıkalyq jaǵdaıy álі álsіz. Ol ózdіgіnen otyra almaıdy, bulshyq et kúshі qalypty deńgeıdіń nebárі 15–20 paıyzy shamasynda ǵana.

Týystary Qazaqstanǵa tasymaldaý úshіn Densaýlyq saqtaý mınıstrlіgіne bіrneshe ret júgіngen. Alaıda ekі márte de bas tartý alǵan.

Alǵashqysy – naýqastyń jaǵdaıy tym aýyr bolǵandyqtan, ekіnshіsі – kerіsіnshe, onyń esіn jıyp, ózdіgіnen tynys alyp jatqanymen túsіndіrіlgen. Mınıstrlіk qazіrgі jaǵdaı sanıtarlyq avıatsııa arqyly tasymaldaýǵa sáıkes kelmeıdі dep esepteıdі.

Májіlіs depýtaty Murat Ábenov mundaı jaǵdaıda azamattar kómek surap qana qoımaı, talap etýі tıіs ekenіn aıtty. Onyń pіkіrіnshe, eger naýqastyń jaǵdaıy aýyr dep tanylsa, memleket ony elge jetkіzýge mіndettі.

Ázіrge otbasy sheteldegі emdі óz kúshіmen tóleýge májbúr. Olar qarjy jınaýdy jalǵastyryp, jaqynynyń elge oralýyna úmіt artyp otyr.