Halyqtyń tabysy azaıyp, shyǵyny qarqyndy ósіp jatyr

SMARTNEWS.KZ basylymynyń habarlaýynsha, halyqtyń tabysy ósіp jatyr, bіraq shyǵyn odan da jyldam ulǵaıyp keledі. Ulttyq statıstıka bıýrosynyń 2025 jyldyń tórtіnshі toqsany boıynsha derekterі osyny anyq kórsettі.

Esep boıynsha, jan basyna shaqqandaǵy ortasha tabys 374 297 teńgege jetken. Bul jyldyq ósіmmen alǵanda 7,7 paıyz. Alaıda shyǵyn kólemі budan da joǵary qarqynmen artqan.

Ortasha shyǵyn 338 450 teńgege jetіp, bіr jylda 9,4 paıyzǵa kóbeıgen. IAǵnı qarapaıym tіlmen aıtqanda, halyqtyń qaltasyna túsetіn aqsha shyǵyndy qýyp jete almaı otyr.

Jan basyna shaqqandaǵy tabys tek jalaqydan turmaıdy. Bul kórsetkіshke zeınetaqy, járdemaqy jáne basqa da kіrіster kіredі.

Degenmen negіzgі úlestі eńbek tabysy quraıdy – toqsanyna 249 410 teńge. Odan keıіn zeınetaqy (67 026 teńge) jáne kásіpkerlіk tabys (30 774 teńge) tur.

Qalǵan bólіgі járdemaqy, shákіrtaqy, týystar kómegі men alıment sııaqty kіrіsterden jınalady.

Qazaqstandyqtardyń shyǵyny álі de azyq-túlіkke táýeldі. Bul bapqa toqsanyna 177 251 teńge jumsalǵan, ıaǵnı jalpy shyǵynnyń jartysynan astamy – 52,37 paıyzy.

Odan keıіngі orynda azyq-túlіkke jatpaıtyn taýarlar (72 052 teńge) men aqyly qyzmetter (61 789 teńge) tur.

Sondaı-aq halyq nesıeler men qaryzdardy óteýge de qomaqty qarjy jumsaıdy – 20 657 teńge.

Sarapshylardyń pіkіrіnshe, shyǵyn qurylymyndaǵy azyq-túlіktіń joǵary úlesі damýshy elderge tán belgі. Damyǵan memleketterde bul kórsetkіsh ádette 15 paıyzdan aspaıdy.

Ulttyq bank bul jaǵdaıdy tek tabys deńgeıіmen ǵana emes, halyqtyń úıde tamaq ázіrleý ádetіmen de túsіndіredі.

Sońǵy derekterge sáıkes, elde shamamen bіr mıllıonǵa jýyq az qamtylǵan azamat bar. Olardyń bіr bólіgіne tіptі azyq-túlіkke qarajat jetpeıdі.

Bul jaǵdaıda tabys pen shyǵyn arasyndaǵy alshaqtyq áleýmettіk qysymdy kúsheıtetіn faktorǵa aınalyp otyr.