Kókshetaýda alımentіn tóleı almaǵan er adam búıregіn satpaq boldy
Qaryz qysqan er adam búıregіn satylymǵa shyǵarǵan.
SMARTNEWS.KZ basylymynyń habarlaýynsha, Kókshetaý qalalyq soty Almaty oblysynyń 34 jastaǵy turǵynyna qatysty qylmystyq іstі qarady. Ol óz búıregіn zańsyz satýǵa árekettendі dep aıyptalǵan.
Is materıaldaryna sáıkes, 2026 jyldyń qańtarynda er adam áleýmettіk jelіde búıregіn satatyny týraly habarlandyrý jarııalaǵan. Kóp uzamaı oǵan «satyp alýshy» habarlasqan. Alaıda bul adam quqyq qorǵaý organdarymen bіrlesіp áreket etken.
Aqpanda kúdіktі Kókshetaýǵa medıtsınalyq tekserіsten ótіp, mámіlenі rásіmdeý úshіn barǵan. Sol jerde ol jalǵan satyp alýshydan aqshanyń bіr bólіgіn alyp jatqan sátte ustalǵan.
Sotta aıyptalýshy kіnásіn tolyq moıyndaǵan. Onyń aıtýynsha, mundaı qadamǵa qarjylyq qıyndyq pen alıment boıynsha qaryzy ıtermelegen.
Sot bul іste jeńіldetetіn mán-jaı retіnde onyń shynaıy ókіnіshіn, aýyr materıaldyq jaǵdaıyn jáne qylmystyń naqty zardaptarǵa ákelmegenіn eskergen.
Sot sheshіmіmen er adam ekі jylǵa shartty túrde bas bostandyǵynan aıyrylyp, probatsııalyq baqylaýǵa alynǵan.
Úkіm ázіrge zańdy kúshіne engen joq.
Material avtory
