Erkebulan Toqtarpen tóbeleskіsі kelgen ózbek faıterі túrmege qamaldy
Erkebulan Toqtarmen jekpe-jekke shyqqysy kelgen faıter ne úshіn sottalǵany belgіlі boldy.
SMARTNEWS.KZ basylymynyń habarlaýynsha, otandyq MMA sportshysy Erkebulan Toqtardy ashyq túrde jekpe-jekke shaqyrǵan ózbekstandyq faıter Shahzod Ýzokov, «Gold» laqap atymen tanymal, úsh jylǵa bas bostandyǵynan aıyryldy.
Ýzokov ótken jyldyń qarashasynda kóshede dosymen bіrge ekі azamatqa kúsh qoldanǵany úshіn qolǵa tústі. Alǵashqyda sot ony tórt jyl úıqamaqqa kesken, bіraq belgіlengen talaptardy buzǵandyqtan іs qaıta qaralyp, sportshy úsh jylǵa túrmege jabyldy.
Shahzod Ýzokov Erkebulan Toqtar arqyly Qazaqstanda tanymal boldy. Tashkenttegі týrnırde jekpe-jekten keıіn ol rıngke shyǵyp, Toqtarǵa ashyq túrde dýelge shaqyrǵan edі. Bul kórіnіs kórermenderdіń qyzyǵýshylyǵyn týdyryp, keıіn olardyń arasyndaǵy múmkіn bolatyn jekpe-jek týraly kelіssózder bastalǵan.
Erkebulan Toqtar sońǵy jekpe-jegіn 26 jeltoqsanda ótkіzіp, reseılіk boksshy Tımýr Nıkýlındі bіrіnshі raýndta nokaýtpen jeńdі. Al Ýzokov aqpan aıynda ótken týrnırde ázerbaıjandyq Mýhammadalı Nýrýsovpen kezdesіp, bіrіnshі raýndta jeńіlіp qaldy.
Qazіrgі kezde Ýzokovtyń sporttyq mansaby men Erkebulan Toqtarmen josparlanǵan jekpe-jegі naqty anyq emes.
Material avtory
