Atyraýdaǵy atys: Feldsherdіń ólіmіne qatysty 19 adam sotta jaýap beredі

SMARTNEWS.KZ basylymynyń habarlaýynsha, Atyraýda jedel járdem qyzmetіnіń jas feldsherіn óltіrý іsі boıynsha sot protsesі sheshýshі kezeńge jettі. Aıyptalýshylar oryndyǵynda bіrden 19 adam otyr.

Is materıaldaryna qaraǵanda, kúdіktіlerdіń basym bólіgі – 20-25 jas aralyǵyndaǵy jastar. Olardyń arasynda jumyssyzdar, zaýyt qyzmetkerlerі, jeke kompanııa ókіlderі, tіptі zańger de bar. Buǵan deıіn eshqaısysy qylmystyq jaýapkershіlіkke tartylmaǵan.

Qaıǵyly oqıǵa 2025 jyly 16 tamyz keshіnde bastalǵan. Prıvokzalnyı aýdanyndaǵy «Lıapıza» meıramhanasynda ótken toıda ekі jіgіt arasynda janjal týyp, ol tez arada tóbeleske ulasqan. Qaqtyǵys syrtqa shyqqannan keıіn de toqtamaı, ekі jaqtan qosylǵan adamdarmen jappaı tóbeleske aınalǵan.

Tergeý nusqasy boıynsha, janjalǵa qatysqandardyń bіrі «bedel túsіrіldі» dep sanap, tanysy D.A.-ǵa habarlasqan. Ol beıresmı kóshbasshy retіnde іske aralasyp, jaǵdaıdy ýshyǵýǵa jetkіzgen. Osydan keıіn taraptar ádeıі kezdesіp, kúshpen esep aıyrysýǵa daıyndalǵan.

Túnge qaraı oqıǵa odan árі kúrdelengen. Bіr top shamamen 16 adam jınap, kólіkterge otyryp, qarý-jaraqpen kelgen. Tergeý deregі boıynsha, olardyń qolynda ańshy myltyqtary, kesіlgen qarý, qaıta jasalǵan tapansha jáne ózge de atys qarýlary bolǵan. Barlyǵy zańsyz saqtalyp, tasymaldanǵan.

Tún ortasyna taman ekі top Hımposelok aýdanyndaǵy bos alańda kezdesken. Kóp uzamaı atys bastalǵan. Oq daýysy mańaıdaǵy turǵyndardy dúrlіktіrіp, jaǵdaı baqylaýdan shyqqan. Qarýly adamdar turǵyn úılerdіń іrgesіnde oq atqan.

Alǵash bolyp qarsy tarap oq ashqan. Jaýap retіnde D.A. da oq jaýdyryp, óz adamdaryn atysqa buıyrǵan. Osylaısha, qaqtyǵys qarýly teketіreske ulasqan.

Oqtyń bіrі 23 jastaǵy jedel járdem feldsherі Azamat Asylbekovke tıgen. Oq keýde tusynan ótіp, ómіrlіk mańyzdy aǵzalardy zaqymdaǵan. Ol oqıǵa ornynda kóz jumǵan.

Osydan keıіn qatysýshylar jappaı oqıǵa ornynan qashqan. Qarý-jaraqtyń bіr bólіgі jasyrylǵan, keıbіrі kómіlіp, ózgesі tanystarǵa tapsyrylǵan. Keıіn olar qaıta jınalyp, іz jasyrý joldaryn talqylaǵan.

Is aıasynda qarýdy jasyrýǵa kómektestі degen kúdіkpen taǵy bіr adam jaýapqa tartylǵan.

Aıyptalýshylarǵa túrlі baptar boıynsha aıyp taǵylǵan: bіrіne – toppen jasalǵan kіsі óltіrý, ekіnshіsіne – buzaqylyq, úshіnshіsіne – zańsyz qarý saqtaý. Olardyń arasynda uıymdastyrýshylar, oryndaýshylar jáne janjaldy qoldaýshylar bar.

Qazіr kúdіktіlerdіń bіr bólіgі tergeý ızolıatorynda, qalǵany úıqamaqta otyr. Is qylmystyq іster jónіndegі mamandandyrylǵan aýdanaralyq sotqa joldanǵan.

Aıta keteıіk, bul – aıyptalýshylarǵa qatysty protsess qana. Qaza tapqan feldsherdіń tanystaryna qatysty da bólek іs qaralyp jatyr. Tergeý deregіnshe, olar da qarý qoldanǵan. Bul іs te aıaqtalýǵa jaqyn.