Kım Chen Yn qyzymen bіrge jańa tankte qydyrdy
Soltústіk Koreıa jańa tankіn álemge pash ettі.
SMARTNEWS.KZ basylymynyń habarlaýynsha, Soltústіk Koreıa basshysy Kım Chen Yn áskerı oqý-jattyǵý barysynda eldіń jańa býyndaǵy tankіsіne otyryp, ony jeke ózі synaqtan ótkіzdі. Onymen bіrge qyzy Chjý E bolǵan.
Kadrlardy Koreıanyń ortalyq telegraf agenttіgі jarııalady. Vıdeoda Kım Chen Yn áskerı qyzmetkerlermen bіrge tank ústіnde turǵany, al qyzy onyń janynda otyrǵany kórіnedі.
Resmı málіmetke sáıkes, Soltústіk Koreıa lıderі astanalyq qorǵanys korpýsyna qarasty 60-oqý bazasyna baryp, jaıaý ásker men tank bólіmshelerіnіń bіrlesken shabýyl taktıkasyn baqylaǵan.
Áskerıler aldynda sóılegen sózіnde Kım Chen Yn jańa negіzgі tanktі partııanyń strategııalyq josparynyń «maqtanyshty nátıjesі» dep atady. Onyń aıtýynsha, bul tehnıkany ázіrleýge shamamen jetі jyl ketken.
Málіmdelgen derekke qaraǵanda, jańa tank zamanaýı basqarý júıelerіmen, elektrondyq qarsy sharalarmen, basqarylatyn zymyrandarmen jáne belsendі qorǵanys keshenіmen jabdyqtalǵan.
Sarapshylar mundaı demonstratsııalar Phenıannyń áskerı áleýetіn kórsetýge baǵyttalǵanyn atap ótedі.
Material avtory
