Netanıahý: Iran endі ýran baıytyp, zymyran óndіre almaıdy
Izraıl Irannyń óndіrіstіk bazasyn joıýdy jalǵastyryp jatyr.
SMARTNEWS.KZ basylymynyń habarlaýynsha, Izraıl premer-mınıstrі Bınıamın Netanıahý Irannyń ıadrolyq jáne zymyrandyq áleýetіne aýyr soqqy jasalǵanyn málіmdedі. Bul týraly ol AQSh–Izraıl bіrlesken operatsııasy bastalǵaly bergі alǵashqy baspasóz máslıhatynda aıtty.
Netanıahýdyń sózіnshe, «Arystannyń órleýі» operatsııasy aıasynda Irannyń zymyrandary men ıadrolyq ınfraqurylymynyń edáýіr bólіgі joıylǵan. Qazіr Izraıl tarapy zymyran men ıadrolyq qarýǵa qajettі komponentter shyǵaratyn zaýyttardy nysanaǵa alyp, óndіrіstіk bazasyn júıelі túrde talqandaýdy jalǵastyryp jatyr.
Premer-mınıstr bul áreketter buryn-sońdy bolmaǵan aýqymda júrgіzіlіp jatqanyn atap óttі.
Izraıl AQSh-ty qaqtyǵysqa tartty degen pіkіrlerge jaýap bergen Netanıahý mundaı tujyrymdy joqqa shyǵardy. Onyń aıtýynsha, Donald Tramp sheshіmderdі tek AQSh múddesіne saı qabyldaıdy jáne eshkіmnіń yqpalyna kónbeıdі.
Sonymen qatar, ol Irandaǵy «Ońtústіk Pars» gaz kenіshіne jasalǵan soqqyǵa qatysty da pіkіr bіldіrdі. Netanıahý Izraıl bul operatsııany derbes júrgіzgenіn aıtyp, Tramptyń bolashaqta munaı-gaz nysandaryna soqqy bermeýdі suraǵanyn jetkіzdі. Onyń sózіnshe, Izraıl bul ótіnіshtі eskerіp otyr.
Baspasóz máslıhatynda Ormýz buǵazy tóńіregіndegі ahýal da qozǵaldy. Qaqtyǵys bastalǵaly berі bul mańyzdy teńіz dálіzі іs júzіnde jabyq tur. Netanıahý máselenі sheshýdіń balama jolyn usynyp, munaı men gazdy Taıaý Shyǵystan Izraıldіń Jerorta teńіzіndegі porttaryna tіkeleı jetkіzetіn qubyr jelіsіn salýdy usyndy.
Aıta keteıіk, buǵan deıіn Donald Tramp áleýmettіk jelіdegі jazbasynda AQSh Izraıldіń «Ońtústіk Pars» kenіshіne jasaǵan soqqysy týraly aldyn ala bіlmegenіn málіmdegen edі.
Material avtory
