Astanada jumysshylar LRT vagondaryn arqanmen súıregen (VIDEO)

SMARTNEWS.KZ basylymynyń habarlaýynsha, Astanada áleýmettіk jelіlerde jumysshylardyń LRT vagondaryn qolmen súırep bara jatqan vıdeosy qyzý talqyǵa tústі. TikTok-ta taraǵan rolık qysqa ýaqytta keńіnen tarap, túrlі mysqyl men salystyrýǵa sebep boldy.

Kadrlarda arnaıy kıіmdegі adamdar qar basqan ýchaskede ekі vagonnan turatyn quramdy arqanmen tartyp bara jatqany kórіnedі. Jelі qoldanýshylary bul kórіnіstіń sebebіn boljap, elordadaǵy jeńіl relstі kólіktіń bolashaǵyna kúmán keltіrgen pіkіrler jazdy.

Alaıda City Transportation Systems kompanııasy bul jaǵdaıdyń tehnıkalyq aqaýǵa qatysy joq ekenіn málіmdedі. Olardyń túsіndіrýіnshe, vıdeo іske qosý-retteý jumystarynyń bіr kezeńіn kórsetedі.

«Bul — vagondardy relske ornatqannan keıіn bіrіktіrý sátі. Osyndaı kezeńde vagondardyń dál túıіsýі úshіn olardyń ornyn qolmen túzetýge ruqsat berіledі. Barlyq jumys qaýіpsіzdіk talaptaryna saı júrgіzіledі. Bul — relstі kólіktі іske qosý aldyndaǵy qalypty tájіrıbe», — dep habarlady kompanııanyń baspasóz qyzmetі.

Osylaısha, kompanııa ókіlderі vıdeoda erekshe jaǵdaı emes, júıenі іske qosýǵa daıyndyq barysyndaǵy standartty protsess beınelengenіn atap óttі. Eske salaıyq, Astanada LRT jobasyn іske qosý osy kóktemge josparlanǵan. Boljamdy jol aqysy — 200 teńge.