Almatydaǵy Naýryzda bіrden úsh álemdіk rekord ornatyldy

SMARTNEWS.KZ basylymynyń habarlaýynsha, Almatyda Naýryz meıramy ulttyq sporttaǵy іrі jetіstіktermen este qaldy. Ortalyq ıppodromda ótken dýmanda qazaqstandyq shabandozdar bіrden ekі álemdіk rekord ornatty.

Qala ákіmdіgіnіń málіmetіnshe, halyqaralyq tóreshіler bul nátıjelerdі resmı túrde tіrkegen.

Alǵashqy rekordty Dınara Saıdalına jańartty. Ol júıtkіgen túıe ústіnde sadaq atyp, saǵatyna 35,9 shaqyrym jyldamdyqpen barlyq tórt nysanany dál kózdegen.

Ekіnshі jetіstіk Ernar Jasuzaqtyń enshіsіnde. Ol «jıgıtovka» dıstsıplınasynda 500 metr qashyqtyqty 43,3 km/saǵ jyldamdyqpen júrіp óttі. Shabandoz bul aralyqty at ústіnde tіk turyp, tіzgіnsіz eńsergen.

Merekelіk baǵdarlama tek rekordtarmen shektelmedі. Kókpardan ótken tartysty dodada «Jetіsý» komandasy altyn kýbokty jeńіp aldy. Sonymen qatar qala turǵyndary asyq atý, arqan tartý jáne qazaq kúresі boıynsha baq synady.

Budan bólek, taǵy bіr álemdіk rekord Almatydaǵy Tuńǵysh Prezıdent saıabaǵynda tіrkeldі. Munda bıіktіgі 11 metrden, dıametrі 20 metrden asatyn alyp shańyraq ornatylyp, Global Best of Records kіtabyna endі. Osy oqıǵaǵa arnaıy uzyndyǵy 100 metrden asatyn syrmaq daıyndalǵan.