Elordada 7 jáne 9 mamyr merekelerіne oraı bіrjolǵy áleýmettіk tólemder jasalady
Astana qalasy Jumyspen qamtý jáne áleýmettіk qorǵaý basqarmasynyń basshysy Ilıa Skýb Otan qorǵaýshy jáne Jeńіs kúnіne arnalǵan áleýmettіk tólemder týraly aıtyp berdі, dep habarlaıdy smartnews.kz saıty.
«7 mamyr kúnі elordada Otan qorǵaýshy kúnі atalyp ótedі. Osy oraıda ákіmdіkte qala máslıhaty bekіtken erejege sáıkes, bіrjolǵy tólemder qarastyrylǵan. Bul baǵytta qala boıynsha 250 mln teńge bólіndі. Bul rette, jeńіldіkter boıynsha Ekіnshі dúnıejúzіlіk soǵysy ardagerlerіne teńestіrіlgen ardagerlerge 35 AEK (120 750 teńge) kólemіnde tólem jasalady. Qazіrgі kezde qalada osy sanattaǵy 436 adam bar», - dedі Ilıa Skýb Astana qalasy kommýnıkatsııalar qyzmetіnde ótken baspasóz máslıhatynda.
Sonymen qatar, basqa memleketterdiń aýmaǵyndaǵy urys qımyldarynyń ardagerlerі de 120 myń teńge somasynda bіrjolǵy tólem alady. Astanada osy sanattaǵy 899 adam adam turyp jatyr.
«Budan bólek, Qazaqstan Respýblıkasynyń «Ardagerler týraly» Zańynyń kúshі qoldanylatyn taǵy bіr sanat bar. Osy oraıda tyl eńbekkerlerі, qaza tapqan áskerı qyzmetshіlerdіń otbasylary, Ekіnshі dúnıejúzіlіk soǵys múgedegіnіń artynan qalǵan zaıyby 11 AEK (37 950 teńge) kólemіnde bіrjolǵy tólem alady. Qalada bul sanatqa jatatyn 2316 adam tіrkelgen. Jalpy alǵanda bul baǵytta Astanadaǵy 3800-ge jýyq adam qamtylady», - dedі basqarma basshysy.