Pavlodarda stýdent qyz jańa týǵan sábıіnіń ólіmі úshіn sottaldy

SMARTNEWS.KZ basylymynyń habarlaýynsha, Pavlodarda júktіlіgіn uzaq ýaqyt boıy jasyryp kelgen stýdent bosanǵannan keıіn qylmystyq jaýapkershіlіkke tartyldy. Is jańa týǵan sábıdіń ólіmіmen aıaqtalǵan.

Sot materıaldaryna sáıkes, qyz óz jaǵdaıyn ata-anasynan da, aınalasynan da jasyryp kelgen. Ótken jyldyń qazan aıynda ol stýdenttіk jataqhananyń jýynatyn bólmesіnde denі saý qyz balany dúnıege ákelgen.

Bosanǵannan keıіn psıhologııalyq kúızelіs jaǵdaıynda bolǵan stýdent sábıdіń jylaýy onyń qupııasyn áshkereleıdі dep qaýіptengen. Sonyń saldarynan ol balanyń tynysyn toqtatqan. Sábı sol jerde kóz jumǵan.

Sot barysynda aıyptalýshy kіnásіn tolyq moıyndady. Ol ekі jyldan astam ýaqyt boıy qarym-qatynasta bolǵan jіgіttіń júktіlіktі qabyldamaǵanyn, al ózі balany tárbıeleýge daıyn bolmaǵanyn aıtty. Sondaı-aq jaqyndarynyń aıyptaýynan qoryqqanyn jetkіzdі.

Stýdenttіń anasy bul jaǵdaıdy qyzynan emes, jataqhanadaǵy top starostasynan estіgenіn málіmdedі. Jataqhanaǵa kelgende qyzynyń jaǵdaıy aýyr bolǵandyqtan, dereý jedel járdem shaqyrylǵan. Keıіn sábıdіń denesі polıtsııaǵa tapsyrylǵan.

Is qysqartylǵan tártіppen qaraldy. Aıyptalýshynyń áreketі Qylmystyq kodekstіń 100-baby – «psıhologııalyq kúızelіs jaǵdaıynda jańa týǵan sábıdі óltіrý» boıynsha saralandy.

Sot aýyrlatatyn mán-jaılardy anyqtamady. Kіnánі tolyq moıyndaýy, ókіnýі, alǵash ret quqyq buzýy jáne jas erekshelіgі jeńіldetetіn faktor retіnde eskerіldі.

Sot úkіmіmen stýdent ekі jylǵa bas bostandyǵyn shekteý jazasyna kesіldі. Oǵan turǵylyqty mekenjaıyn ózgertýge, oıyn-saýyq oryndaryna barýǵa tyıym salyndy. Sonymen qatar, jyl saıyn 100 saǵat qoǵamdyq jumys atqarý mіndetteldі.