Bıyl Túrkіstannan Ábý-Dabıge tіkeleı áýe reısі ashylady
Bıyl Túrkіstan qalasynan Bіrіkken Arab Ámіrlіkterіnіń astanasy Ábý-Dabıge tіkeleı áýe reısіn ashý josparlanyp otyr. Bul týraly Túrkіstan óńіrlіk kommýnıkatsııalar qyzmetіnen málіm ettі, dep habarlaıdy smartnews.kz saıty.
«Wizz Air» avıakompanııasy «Túrkіstan – Ábý-Dabı (BAÁ)» áýe baǵyty boıynsha reısterdі 2023 jyldyń qazan aıynan bastaýdy josparlap otyr. Reıster aptasyna 2 rettіk jıіlіkpen oryndalady. Halyq zamanaýı A-321 ushaqtarymen qatynaıdy.
Búgіn atalǵan joba jan-jaqty talqylanyp, pysyqtaldy. Jıynǵa Túrkіstan oblysynyń Jolaýshylar kólіgі jáne avtomobıl joldary basqarmasynyń, oblystyq Mádenıet jáne týrızm basqarmasynyń jáne Túrkіstan halyqaralyq áýejaıy men Eýropalyq loýkoster «Wizz Air» avıakompanııasynyń ókіlderі qatysty.
Kezdesýden soń «Wizz Air» avıakompanııasynyń ókіlderіne Túrkіstan qalasynyń týrıstіk nysandaryna týr uıymdastyrylyp, Túrkіstan halyqaralyq áýejaıy jáne ondaǵy arnaıy tehnıkalar tanystyryldy.