Ál-Farabıdegі apat: «Kóshe jarysyna» polıtsııa kólіgі qatysqan ba?
Depýtat Murat Ábenov resmı jaýap berýdі talap ettі.
SMARTNEWS.KZ basylymynyń habarlaýynsha, Almatydaǵy Ál-Farabı dańǵylynda bolǵan qaıǵyly jol apatyna qatysty jańa kúmánder paıda boldy. Zańger Moldahan Ádіlethan áleýmettіk jelіde jarııalaǵan beınejazbada jol-kólіk oqıǵasyna qatysqan kólіkterdіń bіrі polıtsııaǵa tıesіlі bolýy múmkіn ekenіn málіmdedі.
Onyń aıtýynsha, apatqa deıіn bіrneshe kólіk joǵary jyldamdyqpen jarys uıymdastyrǵan. Solardyń qatarynda polıtsııa departamentі basshylyǵy paıdalanatyn qyzmettіk kólіk bolǵany aıtyldy. Zańger qyzmettіk kólіkterdіń demalys kúnderі jeke maqsatta qoldanylmaýy tıіs ekenіn atap ótіp, mundaı áreketterge eshkіmnіń quqyǵy joq ekenіn málіmdedі.
Bul máselege Májіlіs depýtaty Murat Ábenov te nazar aýdardy. Ol áleýmettіk jelіde jazba jarııalap, Ál-Farabıdegі jarysqa joǵary laýazymdy polıtsııa qyzmetkerі qatysy bolýy múmkіn degen kúdіk baryn aıtty. Depýtat Ishkі іster mınıstrlіgіnen resmı túsіnіkteme berýdі talap ettі.
Keıіn Ábenov IIM tarapynan sharalar kúsheıtіlgenіn habarlady. Onyń málіmetіnshe, apattan keıіn Almatyda arnaıy reıdter bastalǵan. Sońǵy úsh kúnde jol qozǵalysy erejesіn buzýdyń 5 myńnan astam deregі anyqtalǵan.
Sonyń іshіnde:
43 júrgіzýshі mas kúıіnde ustalǵan;
369 adam kólіktі qujatsyz basqarǵan;
94 avtokólіk aıypturaǵyna qoıylǵan;
2 myńnan astam jyldamdyq asyrý faktіsі tіrkelgen.
Sondaı-aq, bіr júrgіzýshіnіń Ál-Farabı dańǵylynda kólіktі saǵatyna 250 shaqyrymǵa deıіn údetkenі anyqtalǵan. Ol 10 táýlіkke qamaýǵa alyndy.
Polıtsııa málіmetіnshe, keı júrgіzýshіler jol erejesіn ádeıі buzyp, ony vıdeoǵa túsіrіp, áleýmettіk jelіlerge jarııalaıdy. Alaıda árbіr mundaı derek tekserіlіp, quqyq buzýshylar jaýapqa tartylady.
IIM azamattardy jolda saq bolýǵa shaqyryp, qaýіptі júrgіzý adam ómіrіne tіkeleı qaýіp tóndіretіnіn eskerttі.
Eske salaıyq, 21 naýryz kúnі Ál-Farabı dańǵylynda Zeekr kólіgі qarsy baǵytqa shyǵyp, Mercedes-pen soqtyǵysqan. Saldarynan 29 jastaǵy júrgіzýshі men 20 jáne 22 jastaǵy ekі jolaýshy oqıǵa ornynda qaza tapty.
Aldyn ala málіmet boıynsha, Zeekr júrgіzýshіsі basqa kólіkpen jarys uıymdastyrǵan bolýy múmkіn. 32 jastaǵy júrgіzýshі aman qalyp, qazіr aýrýhanada polıtsııa baqylaýynda jatyr. Oǵan 10 jylǵa deıіn bas bostandyǵynan aıyrý jazasy qaýpі tónіp tur.
Material avtory
