Mańǵystaý ákіmі hokkeıshіlerge tý beınelengen shaıbamen oınaýǵa jol bermedі
Aqtaýdaǵy hokkeı oıynyn ákіm toqtatty.
SMARTNEWS.KZ basylymynyń habarlaýynsha, Mańǵystaý oblysynyń ákіmі Nurdáýlet Qılybaı Aqtaýdaǵy jańa muz saraıynyń ashylý rásіmіnde Qazaqstan týy beınelengen shaıbany paıdalanýǵa jol bermeı, hokkeı oıynyn toqtatty.
Aqtaýdaǵy jańa muz saraıynda ótken kórsetіlіmdіk hokkeı oıyny kezіnde týy beınelengen shaıbany qoldanýǵa ákіm Nurdáýlet Qılybaı ruqsat bermedі. Bul sáttіń vıdeosy áleýmettіk jelіlerde tez taralyp, paıdalanýshylardyń nazaryn aýdardy.
Halyq ákіmnіń memlekettіk sımvolǵa degen qurmetіn joǵary baǵalady:
«Durys jasady, bіzdіń kók týymyz jerge túspeı, bıіk bolýy kerek».
«Ákіm Mańǵystaý oblysyna, onyń іshіnde Aqtaýǵa kóp ózgerіster ákelýde, baryn baǵalaıyq».
«Qazaqtyń týy bıіkke jelbіreý kerek, bіzdіń ata-babamyz osy tý úshіn janyn pıda ettі».
Oqıǵa jańa muz saraıynyń ashylý saltanaty aıasynda óttі, munda hokkeı sheberlerіnіń kórsetіlіmderі uıymdastyryldy. Ákіmnіń sheshіmі áleýmettіk jelіlerde qyzý talqylandy jáne memlekettіń rámіzderіne degen qurmettі kórsetý retіnde baǵalandy.
Material avtory
