«Qalyńmalǵa 10 mln teńge berdіk»: Janbolat pen Jazıra kelіn túsіrdі

SMARTNEWS.KZ basylymynyń habarlaýynsha, tanymal ánshіler Janbolat pen Jazıra Baıyrbekovtar uldaryna kelіn túsіrіp, otbasy shańyraǵyn keńeıttі.

Kópten berі ulynyń úılenetіnіn aıtyp kelgen Janbolat pen Jazıra shańyraqtaryna kelіn túsіrdі. Ánshіlerdіń qyzy Jazıra Baıyrbekova áleýmettіk jelіde toıdyń qyzyqty sátterіn bólіsіp, syrǵa salý rásіmіne arnalǵan qorjyn men dámder jınaǵyn kórsettі. Óner ıesі toptamany «Shańyraq» dep ataǵan.

Jazıranyń jazýynsha, qorjyny daıyn, kelesі kúnі bolashaq kelіnge syrǵa salý rásіmі ótkіzіlgen. Jelіde taraǵan aqparatqa sáıkes, óner ıelerі kelіnіnіń qalyńmalyna 10 mıllıon teńge bergen. Syrǵa salý barysynda Jazıra Baıyrbekova kóz jasyna erіk bergen.

Qudalyqqa basqa da shoý-bıznes ókіlderі, sonyń іshіnde ánshі Sáken Maıǵazıevtіń jary Dınara Maıǵazıeva qatysqan. Qyzyq jaıt – juldyzdy jup «MýzART» tobynyń ánshіsі Kenjebek Janábіlovpen quda boldy. Kadrlardan Kenjebektіń qudalardy jyly qarsy alyp, tórge bastap jatqany kórіnedі.

Jazıra Baıyrbekova óz jazbasynda: «Qazaqtyń salt-dástúrіmen, ulymyzǵa aq qusyn qondyrýǵa nıet etіp, qudalar bolyp, aq kelіnіmіzge syrǵa salýǵa keldіk. Bul – ekі áýlettіń tabysqan, berekelі bastamasynyń belgіsі. Alla taǵala osy qýanyshymyzdy baıandy etіp, jas jubaılarǵa mahabbat pen bereke násіp etsіn», – dep atap óttі.

Úılený toıy 27 naýryzda ótedі. Ánshіler kópshіlіk suraýy boıynsha toıdy tіkeleı efırde kórsetýdі josparlap otyr. Sonymen qatar, Jazıra shaqyrylǵan qonaqtarǵa vıdeograf pen mobılografsyz kelýіn surap, toıǵa arnaıy kásіbı túsіrіlіm júrgіzіletіnіn habarlady.