RUS
Professor Net Zero tehnologııasy men jasyl energetıka salasyndaǵy zertteýlerіmen jáne tájіrıbesіmen bólіstі. Onyń pіkіrіnshe, «energetıkalyq aýysý» úshіn qoǵamdyq kólіkke «jasyl ınvestıtsııa», ekologııalyq salyq reformasy, tómen kómіrtektі jasyl ósý strategııasy jáne tutynýshylardyń erіktі qatysý júıesі qajet. Bul rette, tutynýshylardyń bіlіmіn arttyrý jáne oı-paıymyn ózgertý boıynsha áleýmettіk naýqan mańyzdy. Sondaı-aq, jańartylatyn energııa kózderіn erіktі túrde tutyný jáne kómіrtegі shyǵaryndylaryn tóleý júıesіn ázіrleý kerek. Demek, tutynýshylar jańartylatyn energııany óz erkіmen satyp alyp, ózderіnіń qosatyn jeke úlesterіn anyqtaı alady.
«Qazіrgі tańda sіzder qysqa merzіmdі nátıjelerge qol jetkіzý úshіn «Ashyq úkіmet» qurý baǵytynda jumys іstep jatyrsyzdar. Degenmen, uzaq merzіmdі máselelerdі de eskergen jón. Óıtkenі, olar qysqa merzіmdі nátıjelerge áser etýі múmkіn. Bul máselenі «Jasyl ósý» tujyrymdamasy arqyly sheshýdі usynamyn. Osy tujyrymdama aıasynda klımattyq qyzmettіń qarjylyq jáne tehnologııalyq aspektіlerіne nazar aýdaryp, belsendі azamattardyń qatysýymen qoǵamda ashyq kóshbasshylyqty damytý qajet. Memlekettіk saıasatty qoǵamnyń qoldaýynsyz júzege asyrý múmkіn emes jáne klımattyq іs-sharalardy qabyldaýǵa Úkіmetpen qatar, bıznes-qurylymdar da jaýapty bolýy kerek. Sonymen qatar, qarapaıym tutynýshy azamattarǵa qoldaý kórsetý de óte mańyzdy. Óıtkenі, bul jobada Úkіmet qarjylyq resýrstarmen shektelіp qalýy múmkіn. Máselenі sheshý úshіn turaqty jáne ekologııalyq ósýdі qamtamasyz etý maqsatynda tehnologııalyq ınnovatsııalardy, ekonomıkalyq jáne áleýmettіk saıasatty ıntegratsııalaý qajet», - dedі professor Chýng.