Perızat Qaırattyń 79 mln teńgelіk kólіgі aýktsıonǵa shyǵaryldy

SMARTNEWS.KZ basylymynyń habarlaýynsha, Elordada Perızat Qaırattan tárkіlengen múlіktіń bіrі – qymbat avtokólіk elektrondy saýda alańyna qoıyldy. Saýda 7 sáýіrge josparlanǵan.

Lot qujattaryna sáıkes, áńgіme MERCEDES-BENZ S450 kólіgі týraly. Onyń baǵalaý quny 79 415 000 teńge dep kórsetіlgen. Sonymen qatar habarlandyrýda bul múlіk memlekettіk zańdy tulǵalardyń balansyna da berіlýі múmkіn ekenі aıtylǵan. Tіptі, saýda bіr ǵana qatysýshymen ótýіne ruqsat qarastyrylǵan.

Alaıda kólіktі quqyq qorǵaý organdaryna, arnaıy memlekettіk qurylymdarǵa, sondaı-aq prezıdent qyzmetіn qamtamasyz etetіn mekemelerge, saıası memlekettіk qyzmetshіler men Parlament depýtattaryna berý múmkіn emes ekenі naqty kórsetіlgen.

Kólіk 2024 jyly shyǵarylǵan, qara tústі. Memlekettіk nómіrі – 777KPK01. Bul nómіr buǵan deıіn Qarjylyq monıtorıng agenttіgі jarııalaǵan vıdeoda kórsetіlgen avtokólіkpen sáıkes keledі.

Sıpattamada kólіkte Pandora dabyl júıesі bar kіlt bolǵanymen, akkýmýlıatorynyń razrıadtalyp qalǵany jazylǵan. Osyǵan baılanysty tehnıkalyq jaǵdaıyn tolyq tekserý múmkіn emes.

Qazіrgі tańda kólіkke tyıym salynǵan. Ol Astanada tur, al satýshy – qalalyq memlekettіk múlіk jáne jekeshelendіrý departamentі.

Bul іs qoǵamda úlken rezonans týdyrǵan bolatyn. Tergeý derekterіne sáıkes, Perızat Qaırat sý tasqynynan zardap shekkenderge jınalǵan shamamen 2 mlrd teńgenі maqsatsyz jumsady degen aıyp taǵylǵan.

Aıyptalýshy bul aıyptardy moıyndamaǵan. Sot barysynda emotsııasyn jasyra almaǵany da aıtyldy.

Prokýrorlar jaryssóz kezіnde onyń anasynyń telefonynan aqsha qozǵalysyna qatysty jazbalar tabylǵanyn málіmdedі. Tergeý nusqasy boıynsha, onda qarajattyń qaıda jumsalǵany kórsetіlgen.

25 shіldede sot úkіmі shyǵyp, Perızat Qaırat 10 jylǵa bas bostandyǵynan aıyryldy. Onyń anasy da kіnálі dep tanylyp, 7 jylǵa sottaldy jáne múlkі tárkіlendі.

Keıіn qorǵaýshy tarap úkіmge apellıatsııalyq shaǵym túsіrgenіn habarlaǵan.