Sot Shavkat Rahmonovtyń burynǵy áıelіn 5 jylǵa bas bostandyǵynan aıyrdy
Gúlaıym Rahmonova kópbalaly ana retіnde jazany jeńіldetýdі suraǵan.
SMARTNEWS.KZ basylymynyń habarlaýynsha, Jambyl oblysynyń soty Shavkat Rahmonovtyń burynǵy áıelі Gúlaıym Rahmonovany 2 adamnyń ólіmіne ákep soqqan jol apaty boıynsha kіnálі dep tanyp, 5 jylǵa bas bostandyǵynan aıyrý jazasyn taǵaıyndady, bіraq jazanyń oryndalýy 5 jylǵa keıіnge qaldyryldy.
Jambyl oblysynyń qylmystyq іster jónіndegі mamandandyrylǵan aýdanaralyq soty Gúlaıym Rahmonovaǵa qatysty QK 345-babynyń 4-bólіgі boıynsha qylmystyq іstі qarady. Is barysynda sottalýshynyń kіnásі aıǵaqtarmen, saraptamalyq qorytyndylarmen jáne basqa materıaldarmen rastaldy.
Prokýror 5 jylǵa bas bostandyǵynan aıyrý jáne 7 jylǵa kólіk júrgіzý quqyǵynan aıyrýdy surady. Alaıda jábіrlenýshіler sottalýshyny keshіrіp, tek probatsııalyq baqylaýdy qoldanýdy ótіndі. Sot bul ótіnіshtі eskerіp, jazanyń oryndalýyn 5 jylǵa keıіnge qaldyrdy.
Sottalýshynyń 2 jastan 9 jasqa deıіngі 4 balasy bar ekenі, jazany aýyrlatatyn basqa mán-jaılar joq ekenі esepke alyndy. Qazіrgі ýaqytta úkіm zańdy kúshіne engen joq.
Aıta ketsek, apat 2025 jylǵy 27 shіldede Jambyl oblysy Moıynqum aýdanyndaǵy «Almaty-Ekaterınbýrg» tasjolynda oryn alǵan. «Toyota Land Cruiser» avtokólіgіn basqara almaǵan Rahmonova joldyń qarsy betіne shyǵyp, kólіk aýdarylyp, ekі jolaýshy – onyń dosy men ápkesі – aýyr jaraqattardan qaza tapqan.
Material avtory
