Aqtóbede 17 jasar jasóspіrіmnіń ólіmіne baılanysty taǵy ekі kúdіktі ustaldy

SMARTNEWS.KZ basylymynyń habarlaýynsha, Aqtóbe oblysynyń Shalqar qalasynda 17 jasar Álıhan Jánіbektіń ólіmіne baılanysty tergeý aıasynda ekі qosymsha kúdіktі ustaldy. Qazіr bul іs boıynsha barlyǵy úsh adam qamaýǵa alynǵan, al polıtsııa tergeýdі erekshe baqylaýǵa alǵan.

Shalqar qalasynda ótken toptyq janjaldan keıіn 17 jasar jasóspіrіmnіń ólіmіne qatysty qylmystyq іs qozǵaldy. Alǵashynda 18 jastaǵy jergіlіktі turǵyn ustalǵan bolatyn. 21 naýryzda qaza tapqan jasóspіrіmnіń ákesі Jánіbek Alımanov aımaq prokýrory men ákіmge shaǵymdanǵan: janjalǵa 14–15 jasóspіrіm qatysqan, bіraq bіr ǵana adam qamaýǵa alynǵan, sondyqtan tolyqqandy tergeý júrgіzýdі suraǵan.

26 naýryzda polıtsııa ókіlderі habarlaǵandaı, tergeý QR Qylmystyq kodeksіnіń ekі baby boıynsha júrgіzіlýde: bіrіnshіsі – kіsі óltіrý, ekіnshіsі – top bolyp jasalǵan hýlıgandyq áreket. Qazіrgі ýaqytta ýaqytsha ustaý ızolıatoryna úsh kúdіktі jetkіzіlgen, sondaı-aq oqıǵaǵa qatysýshylar men kýágerler anyqtalǵan.

Tergeý jumysyn tájіrıbelі qyzmetkerlerden turatyn arnaıy tergeý-baqylaý toby júrgіzіp jatyr. Barlyq materıaldar oblystyq polıtsııa departamentіne jіberіlgen jáne іs barysy basshylyqtyń erekshe baqylaýynda.

Buǵan deıіn habarlanǵandaı, Aqtóbe oblysynyń Shalqar aýdanynda jasóspіrіmder arasyndaǵy toptyq tóbeles kezіnde bіr qatysýshy pyshaq jaraqatyn alyp, sol jerde qaza tapqan.