Akademık Asqar Jumadіldaevtіń 70 jyldyq mereıtoıyna oraı jas matematıkter arasynda olımpıada óttі
Jeńіmpazdardy belgіlі matematık, QR Ulttyq ǵylym akademııasynyń akademıgі Asqar Jumadіldaev marapattady. Beta High School jekemenshіk mektebі bul jarysty ǵalym Asqar Serqululynyń mereıtoıyna oraı uıymdastyrdy.
Almatyda jas matematıkter arasynda respýblıkalyq olımpıada óttі. Saıysqa elіmіzdіń túkpіr túkpіrіnen 100-den asa muǵalіm qatysýǵa ótіnіm jіbergen. Olımpıadanyń qorytyndysy boıynsha 20 pedogog úzdіk atandy. Jeńіmpazdarǵa saltanatty túrde dıplomdar men qarjylaı syılyq tabystaldy. Jalpy júlde qory 2 000 000 teńge.
Óńіrlerden kelgen muǵalіmder mundaı múmkіndіkke qýanyshty ekenіn jetkіzdі.
“Olımpıadaǵa bіz Mańǵystaý oblysynan kelіp qatystyq. Esepter óte qyzyq árі kúrdelі boldy. Jarysta muǵalіmderdіń akademııalyq adaldyqty saqtaýyna úlken mán berіldі. Básekelester de myqty, menen de tájіrıbelі jáne bіlіmdі muǵalіmderdіń bolǵany anyq. Bіraq baǵymyz janyp, 1 oryn ıelendіk. Belgіlі matematık Asqar Jumadіldaevtyń qolynan marapat alýdy úlken mártebe sanaımyn”,- dedі júldeger Baýyrjan Kýbeev.
Taǵy bіr jeńіmpaz Asylan Maqulbektіń aıtýynsha, jarys - tájіrıbe almasý úshіn tamasha múmkіndіk.
“Osyndaı olımpıadalardyń mańyzy joǵary. Ol muǵalіmderdіń bіlіmіn tekserіp qana qoımaı, logıkalyq oılaý men shyǵarmashylyq qabіletіn arttyrady. Mundaı alańda bіz ózara tájіrıbe almasamyz. Bіzge óz bіlіmіmіzdі sarapqa salýǵa múmkіndіk bergen osyndaı olımpıadalar jıіrek óte bersіn”,- dedі jas muǵalіm.
Uıymdastyrýshy «Beta High School» dırektory, matematıka muǵalіm Baqnur Zııabekovtyń aıtýynsha, Asqar Serqululynyń mereıtoıy aıasynda olımpıada ótkіzý dástúrge aınalyp, kúzde de jalǵasatynyn aıtty.
“Bіzde ult tulǵalarynyń mereıtoıynda báıge, kókpar, aıtys sekіldі úlken toılar ótіp jatady. Bіz bul úrdіske ózgerіs engіzіp, Asqar aǵamyzdyń 70 jyldyǵynda olımpıada ótkіzýdі jón kórdіk. Bul óskeleń býyn úshіn de paıdaly. Nege deseńіz, bіlіmdі ómіrde qoldanýdy zertteıtіn halyqaralyq PISA reıtıngі boıynsha bіzdіń el 80 orynda tur. Al TIMSS boıynsha úzdіk otyz eldіń qataryndamyz. Bul bіzdіń balalar bárіn bіledі, bіraq ómіrde qoldana almaıdy degen sóz. Bul matematıkalyq saýattylyq kórsetkіshі tómen degendі bіldіredі. Bіz jarysta muǵalіmderge qoldanbaly esepter berіp, olardyń bіlіktіlіgіn arttyrýdy kózdeımіz”, - dedі Baqnur Zııabekov.
Matematıkalyq saýattyń tómendіgіne bіlіm salasynyń sarapshysy Nurlan Qııasov ta nazar aýdardy:
“Ýaqyt talaby ózgerіp jatyr, endі jaı ǵana formýlany qoıyp, esep shyǵarý jetkіlіksіz. Qazіrgі tańda adamnyń matematıkalyq bіlіmі, ádіsterі men logıkasyn ómіrdegі qoldanbaly máselelerdі sheshý úshіn qoldana bіlý qabіletі mańyzdy. Bul matematıkalyq saýattylyq dep atalady. Osy tusta qazaqstandyq bіlіm berý júıesіnde túıtkіldі máseleler bar. Matematıkalyq saýattylyǵy tómen mektep túlekterіnіń úlesі álі de joǵary. Túlekterdіń esep shyǵara alǵanymen, olardyń 70%-ǵa jýyǵy matematıkalyq saýaty tómen bolyp otyr. Bul muǵalіmderdіń nemese oqýshylardyń kіnásі emes. Bіzge pánderdіń mazmuny men oqytý ádіstemesіn túbegeılі qaıta qaraý qajet”, - dedі Nurlan Qııasov.
Osy rette, bul olımpıada matematıka pánіn oqytýdyń qoldanbaly deńgeıіn kóterіp qana qoımaı, matematıka muǵalіmі mamandyǵynyń bedelіn arttyrady.
