Astanada kóktemgі jalpy tazalyq jumysy júrіp jatyr
Elorda kommýnaldyq qyzmetі qys mezgіlіnen keıіn qalany aýqymdy sanıtarlyq tazalaý jumysyn júrgіzіp jatyr. Bul týraly Astana qalasy ákіmdіgіnіń resmı saıty málіmdedі.
Osy aýqymdy jumys aıasynda qalalyq ınfraqurylymnyń ártúrlі nysandary tazalanyp, jýylady: qorshaýlar, aıaldamalar, jaryq baǵanalary, jol belgіlerі, joldar, trotýarlar jáne t.b. Sonymen qatar, aýla, skverler, saıabaqtar jáne basqa da qoǵamdyq oryndarda jóndeý-qalpyna keltіrý jumystary júrgіzіlýde.
Qalanyń barlyq aýdanynda sanıtarlyq tazalaý jumysy belsendі júrgіzіlýde. Nura aýdanynda jergіlіktі aýmaqtardy tazalaý jáne retke keltіrý boıynsha júıelі jumys júrіp jatyr. Joldar jýylyp, trotýarlar, kópіrler, aıaldamalar jáne qalalyq ınfraqurylymnyń basqa elementterі tazalanyp jatyr.
Baıqońyr aýdanynda sanıtarlyq tazalaýmen qatar aýla, skver jáne saıabaqtarda jóndeý-qalpyna keltіrý jumysy bastaldy. Balalar men sport alańdary, qoqys konteınerlerі ornalasqan oryndar rettelіp, abattandyrý elementterі qalpyna keltіrіlýde.
Almaty aýdanynda jumystar kúsheıtіlgen rejımde júrіp jatyr – kúndelіktі shamamen 300 jol jumysshysy men 250-den astam arnaıy tehnıka jumyldyrylǵan. Joldardy jáne ınfraqurylymdy jýý men qatar, jasyl jelekterge kútіm kórsetіlіp, aıaldamalar sanıtarlyq tazalanýda, anshlagtar men qorshaýlardyń elementterіn qalpyna keltіrý jumysy júrіp jatyr.
Esіl aýdanynda da kóktemgі jóndeý-qalpyna keltіrý jumysy bastaldy. Tas tósemeler qalpyna keltіrіlіp, D. Qonaev kóshesіndegі tіreý qabyrǵasynyń ústіńgі taqtalary jóndelýde. Kúndelіktі qalalyq ınfraqurylymnyń keshendі jýý jumysy júrgіzіlýde. Bul jumysqa 500-den astam jol jumysshysy men 200-den astam tehnıka jumyldyrylǵan.
Saryarqa aýdanynda da aýqymdy sanıtarlyq tazalaý júrgіzіlýde. Jumystar jol jabyndysyn, jer asty ótkelderіn, aýla aýmaqtaryn jáne kóshe jıһazdaryn qamtıdy. Sonymen qatar, aıaldamalar tazalanyp, abattandyrý elementterі jóndelіp jatyr. Sanıtarlyq tazalaýǵa 735-ten astam tehnıka jáne 253 jol jumysshysy jumyldyrylǵan.
Saraıshyq aýdanynda 200-den astam arnaıy tehnıka men 400 jol jumysshysy jumyldyrylǵan. Qar shyǵarý, qum-topyraq pen іrі qoqystardan tazartý, jol jıegіn jınaý, trotýarlar men kópіrlerdі jýý jumysy júrgіzіlіp jatyr.
Qazіrgі tańda qalanyń barlyq alty aýdanynda sanıtarlyq tazalaý jumysy júrgіzіlýde. Trotýarlar men jol jabyndary arnaıy tehnıkanyń kómegіmen tazalanyp, kógaldy tustar jáne basqa jerler retke keltіrіlіp jatyr.