Kókshetaýda 80 adamdy aldaǵan áıel 40 mln teńgenі ıemdengen
Ulybrıtanııaǵa jumysqa jіberemіn degen alaıaq áshkerelendі.
SMARTNEWS.KZ basylymynyń habarlaýynsha, Kókshetaýda shetelge jumysqa ornalastyramyn dep ýáde bergen áıel 80-ge jýyq adamdy aldap, nebárі 40 mln teńgenі ıemdengen.
Aqmola oblysynda Ulybrıtanııaǵa jumysqa jіberemіn degen jeleýmen jasalǵan alaıaqtyq shemasy áshkerelendі. Qylmystyq іstі Kókshetaý qalasynyń polıtsııasy tergep jatyr.
Tergeý málіmetіnshe, kúdіktі 2023 jyldan 2026 jyldyń qańtaryna deıіn Instagram áleýmettіk jelіsі arqyly azamattarǵa shetelde jumysqa ornalasýǵa kómektesetіnіn usynyp kelgen. Ol vıza rásіmdeý, medıtsınalyq saqtandyrý, bıometrııalyq tekserýler jáne basqa da qyzmetterdі syltaý etіp, aldyn ala aqsha alǵan.
Alaıda іs júzіnde eshqandaı jumysqa ornalastyrý sharalary júrgіzіlmegen. Qarajat azamattardan bank aýdarymdary arqyly da, qolma-qol túrde de jınalǵan.
Qazіrgі tańda іs boıynsha shamamen 80 adam jábіrlenýshі dep tanyldy. Keltіrіlgen jalpy shyǵyn 40 mln teńgege jýyq. Kúdіktіge qatysty úıqamaq túrіndegі bultartpaý sharasy qoldanyldy.
Polıtsııa azamattardy shetelde jumys іzdegende saq bolýǵa shaqyrdy. Ásіrese «kepіldі jumys» úshіn aldyn ala іrі tólem talap etý, deldaldyń resmı tіrkeýі men lıtsenzııasynyń bolmaýy, qujattardy «aradaǵy adam» arqyly rásіmdeý usynysy, tek áleýmettіk jelіler arqyly baılanys ornatý jáne sheshіmdі jedel qabyldaýǵa qysym jasaý – alaıaqtyqtyń negіzgі belgіlerі ekenі eskertіldі.
Material avtory
