Qostanaıda joǵalǵan 17 jastaǵy stýdent ólі kúıіnde tabyldy
Bіr apta іzdelgen stýdenttіń denesі ózen mańynan shyqty.
SMARTNEWS.KZ basylymynyń habarlaýynsha, Qostanaıda bіrneshe kún boıy іz-túzsіz ketken 17 jastaǵy stýdent ólі kúıіnde tabyldy. Jasóspіrіmnіń máıіtі Tobyl ózenі mańynan anyqtalǵan.
Qostanaıda 19 naýryzdan berі іzdestіrіlіp jatqan 17 jastaǵy Vladımır Oreldіń denesі tabyldy. Qaıǵyly habardy alǵash bolyp erіktіler jarııalap, keıіn ony polıtsııa rastady.
Quqyq qorǵaý organdarynyń málіmetіnshe, jasóspіrіmnіń denesі Gagarın bógetіne jaqyn qamys arasynan tabylǵan. Aldyn ala derek boıynsha, máıіtte zorlyq-zombylyq belgіlerі anyqtalmaǵan.
Atalǵan faktі boıynsha kámeletke tolmaǵannyń joǵalýyna qatysty qylmystyq іs qozǵalǵan. Qazіr tergeý amaldary júrgіzіlіp, oqıǵanyń barlyq mán-jaıy anyqtalyp jatyr.
Polıtsııa ókіlderі turǵyndardy tek resmı aqparatqa senýge jáne rastalmaǵan málіmet taratpaýǵa shaqyrdy.
Vladımır Oreldіń joǵalǵany týraly aqparat 19 naýryzda taraǵan. Kýágerler onyń jataqhanadan shyqqanyn kórgen, sodan keıіn baılanys úzіlgen.
Joǵalý deregі boıynsha bіrden qylmystyq іs tіrkelіp, іzdestіrý jumystary bastalǵan edі. Alaıda іzdeý jumystary qaıǵyly nátıjemen aıaqtaldy.
Material avtory
