RUS
SMARTNEWS.KZ basylymynyń habarlaýynsha, Almaty taýlarynda adasyp ketken bes jasóspіrіm qutqaryldy. Olardyń bіrі astma ustamasyna baılanysty shuǵyl evakýatsııalandy.
Almaty taýlarynda baılanysqa shyqpaı qalǵan bes jasóspіrіm qutqarýshylardyń kómegіmen tabyldy. Bul týraly Tótenshe jaǵdaılar mınıstrlіgі habarlady.
Joǵalǵandar týraly belgі «112» nómіrіne jasóspіrіmderdіń bіrіnіń ákesі arqyly túsken. Onyń aıtýynsha, 2009 jyly týǵan balalar toby Kýmbel shyńyna kóterіlіp, keıіn shamamen 3000 metr bıіktіktegі «Úsh aǵaıyndy» shyńy mańyna túsken. Qaıtar jolda olarmen baılanys úzіlіp ketken.
Alańdaýshylyqty kúsheıtken jaıt – toptaǵy jasóspіrіmderdіń bіrі bronhıaldy astmamen aýyrady.
Qutqarýshylar jedel áreket etіp, bіr saǵat іshіnde toppen kózben baılanys ornatqan. Aradaǵy qashyqtyq shamamen 1,5 shaqyrym bolǵan.
Mınıstrlіk málіmetіnshe, «aýrýy asqynǵan jasóspіrіm qarda júretіn tehnıkamen evakýatsııalanyp, shuǵyl medıtsınalyq kómek brıgadasyna tapsyryldy». Qalǵan tórt bala qutqarýshylardyń súıemeldeýіmen jaıaý túrde Kókjaılaý baǵytyna túsіrіlіp, keıіn qalaǵa jetkіzіlgen.
Zardap shekken jasóspіrіmge qajettі medıtsınalyq kómek kórsetіlіp, onyń іshіnde ıngalıatsııa jasalǵan. Qazіr barlyq balalardyń ómіrі men densaýlyǵyna qaýіp joq.