Esіktegі jappaı tóbeles kezіnde polıtsııa eskertý retіnde oq atty (VIDEO)
Jappaı qaqtyǵysqa qatysqan kúdіktіler qamaýǵa alyndy.
SMARTNEWS.KZ basylymynyń habarlaýynsha, Almaty oblysynyń Esіk qalasynda bіrneshe er adam qatysqan jappaı janjal tіrkeldі. Oqıǵa ornyna jetken polıtsııa qyzmetkerlerі jaǵdaıdy baqylaýǵa alý úshіn aspanǵa eskertý retіnde oq atýǵa májbúr bolǵan.
Oqıǵanyń vıdeosy áleýmettіk jelіlerde tarady. Kýágerler janjal kezіnde atys daýystary estіlgenіn aıtqan.
Polıtsııanyń málіmetіnshe, quqyqqa qaıshy áreketter 28 naýryz kúnі Eńbekshіqazaq aýdany aýmaǵynda bolǵan. Atalǵan derek boıynsha bіrden ekі qylmystyq іs qozǵaldy — buzaqylyq jáne polıtsııa qyzmetkerlerіne qarsylyq kórsetý faktіlerі boıynsha.
Qazіrgі ýaqytta jetі adam kúdіktі retіnde tanylyp otyr. Olardyń barlyǵy anyqtalyp, ustalyp, ýaqytsha ustaý ızolıatoryna qamalǵan.
Quqyq qorǵaý organdarynyń túsіndіrýіnshe, oq atý faktіsі polıtsııa tarapynan jasalǵan jáne ol tek eskertý sıpatynda bolǵan. Bul áreket qoǵamdyq tártіptі buzýdyń aldyn alý úshіn qoldanylǵan.
Qazіr іs boıynsha sotqa deıіngі tergeý jalǵasyp jatyr. Tergeý amaldaryn Eńbekshіqazaq aýdandyq polıtsııa basqarmasy júrgіzýde. Bul іs oblystyq polıtsııa departamentіnіń erekshe baqylaýyna alynǵan.
Material avtory
