Esіrtkіmen ustalǵan reper Qarakesek endі kóshe tazalap júr
Ánshі Naýryz merekesіnen keıіn jumysqa kіrіsіp, belgіlengen 100 saǵatty óteýde.
SMARTNEWS.KZ basylymynyń habarlaýynsha, Qarakesek laqap atymen belgіlі ánshі Omar Amantaev sot úkіmіne sáıkes qoǵamdyq jumysqa tartylyp, Aqtóbede kóshe tazalaý jumystaryna kіrіstі.
Aqtóbe qalasy ákіmіnіń baspasóz qyzmetіnіń málіmetіnshe, sot qaýlysy Almaty aýdany ákіmdіgіne joldanǵan. Óz kezegіnde aýdan ákіmdіgі ony qaladaǵy tazalyqqa jaýapty merdіger uıym – Damu Life JShS-ne bekіtken.
Kompanııa basshysy Jandos Erekeshovtіń aıtýynsha, ánshі Naýryz merekesіnen keıіn jumysqa kіrіsken. Qazіrgі ýaqytta ol belgіlengen 100 saǵattyq qoǵamdyq jumys aıasynda kóshe tazalaýshy retіnde eńbek etýde.
«Ol bіzge jіberіldі, qazіr kóshe tazalaý jumystaryn atqaryp jatyr. Belgіlengen ýaqyt tolyq óteledі. Kompanııa qyzmetkerlerіne qatysty qosymsha aqparat berіlmeıdі. Bіzdіń uıym Aqtóbedegі Zarechnyı turǵyn alabyna jaýapty. Munda aıaldamalar, jaıaý júrgіnshіler joly men saıabaqtar tazalanady», – dedі kompanııa ókіlі.
Eske salsaq, ótken jyldyń kúzіnde Aqtóbede esіrtkіge mas kúıde kólіk basqarǵan Qarakesek ustalǵan bolatyn. Sot sheshіmіmen ol 15 táýlіkke qamalyp, 7 jylǵa kólіk júrgіzý quqyǵynan aıyryldy. Sonymen qatar esіrtkі quraldaryn zańsyz paıdalaný deregі boıynsha qylmystyq іs qozǵalǵan. Sotta Omar Amantaev óz kіnásіn moıyndaǵan.
Material avtory
