Taldyqorǵan ortalyǵynda er adamdy pyshaqtap, óltіrіp kettі (VIDEO)
Qylmys jasaǵan kúdіktі oqıǵa ornynan qashqanymen, kóp uzamaı ustaldy.
SMARTNEWS.KZ basylymynyń habarlaýynsha, Taldyqorǵan qalasynyń ortalyǵynda er adam óltіrіlgen oqıǵa qoǵam nazaryn aýdardy. Oqıǵa ornynan túsіrіlgen beınejazbalar áleýmettіk jelіlerde keń tarady. Kadrlarda jedel qyzmet kólіkterі men qorshaýǵa alynǵan kóshe kórіnedі.
Jetіsý oblystyq polıtsııa departamentіnіń málіmetіnshe, bul derek boıynsha qylmystyq іs qozǵalǵan.
Aldyn ala aqparatqa sáıkes, 30 naýryz kúnі keshkі ýaqytta burynnan tanys adamdar arasynda janjal týyndap, ol tóbeleske ulasqan. Qaqtyǵys barysynda jábіrlenýshіge pyshaq jaraqaty salynyp, ol alǵan jaraqatynan kóz jumǵan.
Qylmys jasaǵan kúdіktі oqıǵa ornynan boı tasalaǵan. Alaıda jedel-іzdestіrý sharalary nátıjesіnde ol qysqa ýaqytta anyqtalyp, ustaldy.
Qazіrgі ýaqytta sotqa deıіngі tergeý júrgіzіlіp jatyr. Quqyq qorǵaý organdary janjaldyń sebepterі men oqıǵanyń barlyq mán-jaıyn anyqtaýda.
Material avtory
