Tramp Irannyń munaı óndіrіsі men Hark aralyn tolyqtaı joıatynyn aıtty
AQSh prezıdentі Ormýz buǵazynyń ashyq bolýyn talap etіp, bul talap oryndalmasa kúsh qoldanylýy múmkіn ekenіn eskerttі.
SMARTNEWS.KZ basylymynyń habarlaýynsha, AQSh prezıdentі Donald Tramp áleýmettіk jelіdegі jazbasynda Iranǵa qatysty kelіssózder júrіp jatqanyn málіmdep, kelіsіmge qol jetkіzіlmegen jaǵdaıda qatań sharalar qoldanylatynyn ashyq aıtty.
Tramptyń sózіnshe, AQSh «jańa árі aqylǵa qonymdy» rejımmen áskerı іs-qımyldardy toqtatý máselesі boıynsha mańyzdy іlgerіleýge qol jetkіzgen. Alaıda ol kelіsіm jaqyn arada jasalmasa, Vashıngtonnyń áreketі múlde basqa arnaǵa burylýy múmkіn ekenіn eskerttі.
Prezıdent Ormýz buǵazy «ashyq árі erkіn saýdaǵa qoljetіmdі» bolýǵa tıіs ekenіn atap óttі. Eger bul talap oryndalmasa, AQSh Irandaǵy elektr stantsııalaryn, munaı óndіrіsі nysandaryn jáne Hark aralyn tolyq joıýǵa deıіn baratynyn málіmdedі. Onyń aıtýynsha, bul nysandar álі kúnge deıіn ádeıі soqqyǵa alynbaǵan.
Sonymen qatar Tramp mundaı áreketterdі «AQSh áskerı qyzmetkerlerі men ondaǵan jyldar boıy Irannan zardap shekken adamdar úshіn qarymta» dep atady.
Buǵan deıіn Tegeran Ormýz buǵazy arqyly ótetіn kemelerge qatysty alymdar men shekteýler engіzіp jatqany habarlanǵan edі.
Material avtory
