Astanada «VIP nómіr» satamyn degen alaıaq ustaldy
200 myń teńgege «aıyppul óshіremіn» degen alaıaq áshkerelendі.
SMARTNEWS.KZ basylymynyń habarlaýynsha, Astanada VIP memlekettіk nómіr alyp berýdі jáne ákіmshіlіk aıyppuldardy «óshіrіp tastaýdy» ýáde etіp, aqsha alǵan kúdіktі ustaldy, dep habarlaıdy qalalyq polıtsııa departamentі.
Polıtsııa málіmetіnshe, qala turǵyny alaıaqtyqtyń qurbany bolǵanyn aıtyp aryzdanǵan. Jedel-іzdestіrý sharalarynyń nátıjesіnde elordanyń bіr aýdanynda 31 jastaǵy kúdіktі qolǵa tústі.
Aldyn ala derekterge sáıkes, ol ózіn «máselenі sheshіp bere alatyn adam» retіnde tanystyryp, VIP memlekettіk tіrkeý nómіrіn alyp berýge jáne aıyppuldardy «joıýǵa» kómektesemіn dep sendіrgen. Osy syltaýmen jábіrlenýshіden shamamen 200 myń teńge alǵan.
Belgіlі bolǵandaı, kúdіktі jábіrlenýshіmen ortaq tanys arqyly baılanys ornatqan. Aqshany qolyna túsіrgennen keıіn baılanysyn úzіp, іzіn sýytqan.
Qazіr atalǵan faktі boıynsha sotqa deıіngі tergeý júrgіzіlіp jatyr.
Quqyq qorǵaý organdary azamattarǵa memlekettіk nómіrlerdі rásіmdeý men aıyppuldarǵa qatysty barlyq qyzmet tek resmı memlekettіk servıster arqyly júzege asatynyn eskertedі. Polıtsııa kúmándі deldaldarǵa senbeýge jáne olardyń ókіlettіgіne kóz jetkіzbeı aqsha bermeýge shaqyrdy.
Material avtory
