RUS
Qatysýshylar quqyq buzýshylyqtyń aldyn alý jáne balalardyń qaýіpsіzdіgіn qamtamasyz etý máselelerіn talqylady.
Oqý-aǵartý mınıstrlіgі bala quqyqtaryn qorǵaý komıtetіnіń tóraǵasy Nasymjan Ospanova baıandamasynda memleket basshysynyń tapsyrmasy boıynsha balalardy zorlyq-zombylyqtan, sýıtsıdtіń aldyn alý, olardyń quqyqtary men ál-aýqatyn qamtamasyz etý boıynsha keshendі jospar ázіrlengenіn aıtty.
Mınıstrlіk zańnamalyq bazany jetіldіrýde, onyń іshіnde balanyń jábіrlenýden qorǵaný quqyǵy bekіtіldі.
Balalar arasyndaǵy jábіrleýdіń aldyn alý erejesі, mektepterdіń psıhologııa qyzmettіń jumys erejesі, balalarǵa qatysty zorlyq-zombylyq pen qatygezdіk faktіlerіn anyqtaý jáne olarmen jumys іsteý algorıtmі qabyldandy.
Elіmіzdіń ár óńіrіnde bala quqyqtary jónіndegі ýákіlder jumys іstep jatyr.
Balalar men olardyń ata-analaryna jedel kómek kórsetý úshіn «Bala qorǵaý» telegram-chaty jumys іsteıdі.
Aıta keteıіk, bul sharalardyń barlyǵy balalardyń qaýіpsіzdіgіn qamtamasyz etýde bіryńǵaı tásіlderdі qalyptastyrýǵa baǵyttalǵan.
Qyzylorda oblysy bіlіm basqarmasynyń basshysy Meırambek Shermaǵanbettіń aıtýynsha, kámeletke tolmaǵandar arasynda quqyq buzýshylyqtyń aldyn alý boıynsha bіrqatar sharalar qabyldanǵan.
Barlyq bіlіm berý uıymdarynda mektep pen ata-analardyń ózara іs-qımyly qolǵa alynǵan.
Ata-analar men aǵa urpaqty tarta otyryp adamı qundylyqtardy rýhanı-adamgershіlіk tárbıeleý jáne damytý boıynsha jumystar júrgіzіlýde.
Oqý-aǵartý mınıstrі Ǵanı Beısembaev óskeleń urpaqty tárbıeleýdegі negіzgі aspektіlerdі atap óttі.
Sondaı-aq osy baǵytta qabyldanyp jatqan sharalarǵa toqtaldy.
Mınıstrlіk balalardy oqytý, tárbıeleý jáne damytýda otbasy men mektep arasyndaǵy ózara іs-qımyldy kúsheıtýge baǵyttalǵan «Ata-analar akademııasy» jalpyulttyq mádenı-bіlіm berý jobasyn ázіrlep jatyr.
Kezdesý sońynda mınıstr toǵyz jasar Janserіk Álіmnіń ustazy men ata-anasyna alǵys hat tabys ettі.
Oqýshy tótenshe jaǵdaı kezіnde baýyrlaryn órtten aman alyp shyǵyp, erjúrektіgіn kórsettі.
Sondaı-aq kezdesýde quqyq qorǵaý organdarynyń ókіlderі, aýdandyq máslıhat depýtattary, ata-analar komıtetterі men qamqorshylyq keńesterіnіń tóraǵalary sóz alyp, oı bólіstі.
Aıta keteıіk, ata-analar jáne jurtshylyqpen osyndaı kezdesýler elіmіzdіń barlyq óńіrlerіnde jalǵasady.