Tarazda ákesіnen qoldaý kórmegen oqýshy ádіldіkke sotta jettі
Sot oqýshy qyzdyń aýyr materıaldyq jaǵdaıyn eskerіp, talapty tolyq qanaǵattandyrdy.
SMARTNEWS.KZ basylymynyń habarlaýynsha, Taraz qalasynda jeke mektepte oqıtyn 11-synyp oqýshysy ákesіnen alıment óndіrý úshіn sotqa júgіnіp, talabyn qanaǵattandyrdy. Aı saıynǵy oqý aqysy 68 myń teńge bolatyn qyzdyń іsі Joǵarǵy sot derekterіnde jarııalandy.
Is materıaldaryna sáıkes, 2008 jyly ákesі ekі balasyna, sonyń іshіnde qyzyna qatysty ata-ana quqyǵynan notarıaldy túrde bas tartqan.
2018 jyly otbasy aýyr qaıǵyny bastan keshіrgen: qyzdyń anasy men baýyry qaza tapqan. Sodan berі ol ájesіnіń qolynda turyp keledі. Barlyq shyǵyndy, sonyń іshіnde oqý men turmysty, zeınetker ájesі kóterіp otyr. Ákesі bul ýaqyt іshіnde eshqandaı qarjylaı kómek kórsetpegen, baılanystan qashqaqtap, tіptі qyzy habarlasýǵa tyrysqanda nómіrіn buǵattaǵan.
Sotqa júgіngen oqýshy ózіnіń materıaldyq jaǵdaıynyń aýyr ekenіn kórsetken: otbasynyń tabysy tek negіzgі qajettіlіkterge ǵana jetedі.
Sot barysynda ákesі talapty іshіnara ǵana qanaǵattandyrýdy surap, basqa nekeden tórt balasy baryn jáne nesıelіk mіndettemelerіn alǵa tartqan. Alaıda sot onyń eńbekke qabіlettі ekenіn jáne bіrneshe kásіpten tabys tabatynyn anyqtady.
Sonymen qatar, er adamnyń sot sheshіmі shyǵarylar kúnі jeke kásіpker retіnde tіrkeýden shyǵýy jáne buǵan deıіn taǵy tórt balaǵa ákelіk tanyǵany belgіlі boldy. Sot bul áreketterdі alıment kólemіn ádeıі azaıtýǵa baǵyttalǵan qadam retіnde baǵalady.
Nátıjesіnde Taraz qalalyq soty ákenі qyzy mektep bіtіrgenge deıіn aı saıyn 17 aılyq eseptіk kórsetkіsh (66 844 teńge) kólemіnde alıment tóleýge mіndettedі.
Apellıatsııalyq shaǵym nátıje bermedі — Jambyl oblystyq soty alǵashqy sheshіmdі ózgerіssіz qaldyrdy. Úkіm zańdy kúshіne endі.
Material avtory
