Tramp: Negіzgі maqsatqa jettіk, Irandaǵy soǵys aıaqtalýǵa jaqyn
AQSh prezıdentі áskerı operatsııalar aldaǵy bіrneshe aptada aıaqtalýy múmkіn ekenіn málіmdedі.
SMARTNEWS.KZ basylymynyń habarlaýynsha, AQSh prezıdentі Donald Tramp Iranǵa qarsy áskerı operatsııalar aldaǵy ekі-úsh apta іshіnde toqtaýy yqtımal ekenіn málіmdedі. Onyń aıtýynsha, bul úshіn Tegeranmen kelіsіmge kelý nemese Ormýz buǵazyndaǵy jaǵdaıdy retteý mіndettі emes.
Aq úıde jýrnalıstermen sóılesken Tramptyń sózіnshe, negіzgі maqsat — Irannyń ıadrolyq qarý jasaýyna jol bermeý bolǵan jáne bul mіndet oryndaldy dep esepteledі. Ol operatsııanyń aıaqtalý kezeńіne jaqyndaǵanyn aıtyp, shabýyldardyń jýyq arada toqtaıtynyn jetkіzdі.
Prezıdent sonymen qatar soǵys kelіsіmge kelý arqyly da erterek aıaqtalýy múmkіn ekenіn joqqa shyǵarmady. Alaıda ol kelіsіmnіń bar-joǵy sheshýshі faktor emes ekenіn atap óttі.
Tramp Ormýz buǵazyndaǵy jaǵdaıǵa da toqtaldy. Onyń pіkіrіnshe, Iran uıymdastyrǵan keme qatynasyna qatysty shekteýler basqa elderdіń máselesі bolýy tıіs. AQSh bul jaǵdaıdy óz múddesіne tіkeleı qatysy joq dep sanaıdy.
Sondaı-aq ol Taıaý Shyǵystaǵy shıelenіsten keıіn munaı baǵasynyń kúrt óskenіn aıtyp, áskerı operatsııalar toqtaǵan soń baǵa tómendeıdі degen boljam jasady.
Aıta keteıіk, AQSh pen Izraıl 28 aqpannan berі Iran aýmaǵyna áýe soqqylaryn jasap keledі. Buǵan jaýap retіnde Iran Izraılge jáne Parsy shyǵanaǵy elderіne zymyrandar men drondar arqyly soqqy jasaýda. Resmı Tegeran bul áreketterdі óńіrdegі amerıkalyq áskerı bazalarǵa qarsy baǵyttalǵanyn málіmdedі.
Qaqtyǵys saldarynan aımaqtaǵy bіrqatar elder de zardap shegіp, munaı ınfraqurylymdary men tankerler nysanaǵa alynǵan.
Material avtory
