Básekelestіk zańyn buzǵan ekі kásіporynǵa 34 mln teńgege jýyq aıyppul salyndy

QR Básekelestіktі qorǵaý jáne damytý agenttіgіnіń Astana qalasy boıynsha departamentі Jambyl oblysy boıynsha departamentpen bіrlesіp, tuqymdyq jáne otyrǵyzý materıalynyń sorttyq jáne sebý sapasyn anyqtaıtyn qyzmetter naryǵynda «Qazaqstandyq agrarlyq saraptama» AQ jáne «AgroEkspert-AЅ» JShS іs-áreketіnde básekege qarsy kóldeneń kelіsіm (karteldіk sóz baılasý) jasasý bólіgіnde zańnamany buzý faktіsіn anyqtady.

Júrgіzіlgen tergeý boıynsha «Qazaqstandyq agrarlyq saraptama» AQ jáne «AgroEkspert-AЅ» JShS qatysty ákіmshіlіk іs qozǵaldy.

Isterdі qaraý qorytyndysy boıynsha Astana qalasynyń ákіmshіlіk mamandandyrylǵan aýdanaralyq sotynyń 20 naýryzdaǵy qaýlysymen «Qazaqstandyq agrarlyq saraptama» AQ-ǵa jalpy somasy 24 600 940 teńge aıyppul salyndy.

Sonymen qatar, Jambyl oblysy Taraz qalasynyń ákіmshіlіk mamandandyrylǵan aýdanaralyq sotynyń 25 naýryzdaǵy qaýlysymen «AgroEkspert-AЅ» JShS 9 241 130 teńge aıyppul tóleıtіn boldy.

Astana qalasynyń ákіmshіlіk іster jónіndegі sot alqasy bіrіnshі satydaǵy sottyń qaýlysyn ózgerіssіz qaldyrdy, apellıatsııalyq shaǵym qanaǵattandyrylmady.