Almatyda VICh juqtyrǵanyn bіle tura 13 jasar qyzdy zorlaǵan er adam sottaldy

SMARTNEWS.KZ basylymynyń habarlaýynsha, Almatyda 13 jastaǵy qyzǵa qatysty jasalǵan rezonansty qylmys boıynsha sot úkіmі shyqty. VICh juqtyrǵany belgіlі bolǵan aıyptalýshy eń qatań jaza — ómіr boıyna bas bostandyǵynan aıyrýǵa kesіldі. Bul týraly quqyq qorǵaýshy Lázzat Raqysheva habarlady.

Mamandandyrylǵan aýdanaralyq qylmystyq sot er adamdy asa aýyr qylmys jasaǵany úshіn kіnálі dep tanydy. Sot úkіmі — ómіr boıyna bas bostandyǵynan aıyrý.

Sot aıyptalýshynyń óz dıagnozyn bіle tura, ádeıі kámeletke tolmaǵan balanyń ómіrі men densaýlyǵyna qaýіp tóndіrgenіn jeke atap óttі. Osyǵan baılanysty QR Qylmystyq kodeksіnіń 118-baby («Adamnyń ımmýn tapshylyǵy vırýsyn juqtyrý») boıynsha jeke qaýly shyǵaryldy.

Sonymen qatar, іs aıasynda sottalýshynyń advokattary men týysy — aǵasyna qatysty da tekserіs bastaldy. Olar dálelderdі burmalaýy múmkіn degen kúdіkke іlіngen.

Oqıǵa 2025 jylǵy 1 qyrkúıekte bolǵan. Aıyptalýshy otbasynyń jaqyn tanysy bolyp shyqqan. Qyzdyń ákesі ony úıіne ózі kіrgіzgen.

Alaıda qylmystan keıіngі jaǵdaı odan da aýyr sıpat alǵan. Zardap shekken jasóspіrіm bіrneshe aı boıy qysymǵa ushyraǵan. Aıyptalýshynyń týystary, qorǵaýshylary jáne tіptі qyzdyń ákesі balany kіnánі ózіne aýdarýǵa ıtermelegen. Oǵan «ózі kіnálі» degen oı sіńіrіlіp, kórsetpe berse, kúdіktі túrmede «óltіredі» dep qorqytý arqyly únіn óshіrýge áreket jasalǵan.

Soǵan qaramastan, tergeý organdary aıyptalýshynyń kіnásіn tolyq dáleldedі. Úkіmge 15 kún іshіnde shaǵym túsіrýge bolady. Quqyq qorǵaýshylar sot sheshіmі ózgerіssіz qalady dep úmіttenedі.