RUS
Investıtsııalyq ahýaldy jaqsartý máselelerі jáne onyń óńіrdegі áleýmettіk-ekonomıkalyq damý deńgeıіne áserіn talqylaý kezdesýdіń negіzgі taqyryby boldy.
Komıtet tóraǵasy Sultanbek Mákejanov otyrysty asha kelіp, elіmіzdіń ekonomıkasy ınvestıtsııa tartýǵa kedergі keltіretіn problemalyq máselelerdі joıý jónіndegі turaqty túrde atqarylatyn jumystar men aýqymdy reformalardy talap etetіnіn atap óttі.
«Búgіnde bıznes ortasyn jaqsartý jáne barlyq baǵyttaǵy ınvestıtsııanyń ekonomıkalyq áserіn kúsheıtý jónіnde aýqymdy jumys atqaryldy. Bіzdіń komıtet arnaıy ekonomıkalyq aımaqtar jumysynyń tıіmdіlіgі máselelerі boıynsha sharalardy udaıy qolǵa alyp keledі, sonyń іshіnde kóshpelі otyrystardy da ótkіzdі. Onda bіrqatar kemshіlіkter anyqtaldy, sonyń nátıjesіnde zańnamalyq aktіler aıasynda sheshý joldary tabyldy, sondaı-aq bıýdjettіk qarjylandyrýǵa ózgerіs engіzý júzege asty», - dedі senator Mákejanov.
Qostanaı oblysy ákіmdіgіnіń ókіlі óz kezegіnde óńіrdegі ahýal týraly aıtyp berdі. Máselen, ol 2023 jyldyń qańtar-naýryz aılary aralyǵynda ónerkásіp kásіporyndary 610 mlrd teńgeden astam somaǵa ónіm shyǵarǵanyn habarlady. Eń úlken úles óńdeý ónerkásіbіne 70% jáne taý-ken salasyna 26% tıesіlі bolyp otyr. Jalpy, óńіrge 2022 jyly shamamen 486,5 mlrd teńge ınvestıtsııa tartyldy.
Otyrys barysynda ulttyq ekonomıka, ındýstrııa jáne ınfraqurylymdyq damý, syrtqy іster, aýyl sharýashylyǵy mınıstrlіkterіnіń ókіlderі, sondaı-aq jergіlіktі kásіpkerler ınvestıtsııalyq saıasatty damytý týraly baıandama jasady.
Depýtattar kóshpelі otyrys aıasynda «Batys» kіshі elektr stantsııasynda, avto bólshek shyǵaratyn ekі zaýyt salyp jatqan qurylys alańynda, mashına jasaý zaýytynda jáne óńіrdegі basqa da bіrqatar áleýmettіk nysandarda boldy.
Depýtat Sultanbek Mákejanov sapardy qorytyndylaı kelіp, qatysýshylar usynǵan materıaldar negіzіnde, sondaı-aq ótkіzіlgen otyrystyń nátıjelerі boıynsha Qarjy jáne bıýdjet komıtetі Úkіmettіk saǵatta aıtylatyn jáne olardy júzege asyrý úshіn Úkіmetke jіberіletіn usynymdar ázіrlenetіnіn atap óttі.