Aqmola oblysynda ekologııa máselesіn sheshý: Jol kartasy boıynsha 30 shara qarastyrylǵan
Aqmola oblysynda ekologııa máselesіn sheshý baǵytynda Jol kartasy boıynsha 30 shara qarastyrylǵan. Bul týraly QR Ekologııa jáne tabıǵı resýrstar mınıstrі Zýlfııa Súleımenova Aqmola oblysyna jumys sapary barysynda jýrnalıstermen ótken brıfıngte málіm ettі, dep habarlaıdy smartnews.kz saıty.
Mınıstrdіń aıtýynsha, jalpy, bıylǵy jyldyń bіrіnshі toqsanynda respýblıka boıynsha lastaýshy zattar shyǵaryndylarynyń naqty kólemі 0,5 mln tonnany qurap, onyń іshіnde Aqmola óńіrіne 36,2 myń tonna tıesіlі, bul 2022 jyldyń 1 toqsanyndaǵy deńgeıden 2,4 paıyzǵa tómen. Bul kórsetkіshke tabıǵatty qorǵaý sharalaryn júzege asyrý arqyly qol jetkіzіlgen.
«Aqmola oblysy boıynsha ekologııalyq máselelerdі sheshý baǵytynda Jol kartasy boıynsha 30 іs-shara kózdelgen. Onyń úsheýі oryndaldy. Oblysta qaldyqtarǵa qatysty álsіz ınfraqurylym, qatty turmystyq qaldyqtar polıgondarynyń normalarǵa sáıkes kelmeýі, ruqsat etіlmegen polıgondardyń sanynyń kóp bolýy sııaqty máseleler bar», - dedі mınıstr Zýlfııa Súleımenova.
Mınıstr atap ótkendeı, Aqmola oblysynda oblystyq mańyzy bar 6 qala men aýdan bólek jınaý jáne suryptaýmen qamtylǵan, ıaǵnı, respýblıka boıynsha osyndaı 768 kásіporynnyń 25-і Aqmola oblysyna tıesіlі.
«Ruqsat etіlmegen polıgondardyń kóbeıýі, ásіrese elordalyq aımaqta alańdaýshylyq týǵyzady. Kosmomonıtorıng aıasynda bıyl óńіrde 830 ruqsat etіlmegen qaldyqtardy ornalastyrý orny anyqtalyp, onyń 88 paıyzy joıyldy», - dep túıіndedі mınıstr.